TOLI 05
A Gadu gi wi a Beibel
Yehofa gi wi a Beibel enke wan kado. A buku ya paati a sigisitenti a sigisi pikin buku. Ma kande ye akisi iseefi taki: ‘Pe a Beibel komoto? Sama sikiifi en?’ Kow go luku den piki fu den akisi ya.
1. Efu a libisama sikiifi Beibel, da saide sama e kai en Gadu buku?
A wan sani fu 40 man sikiifi a Beibel. A teke wan sani fu 1600 yali fu sikiifi a hii Beibel. A fosi buku fu Beibel sikiifi wan sani fu 3500 yali pasa. A lasiti buku fu Beibel sikiifi wan sani fu 1900 yali pasa. Den sama di sikiifi a Beibel á kiya na aseefi fasi. Son wan be gudu, ma taawan be pooti. Toku den sani di den sikiifi e kai anga denseefi. I naw leisi wan sani aini wan Beibel buku, da i leisi aini wan taa Beibel buku taki a sani de a ná tuu. A sani ya e soi taki a Beibel na a Wowtu fu Gadu. (Leisi 1 Tesalonikasama 2:13.) Den man di sikiifi a Beibel á sikiifi san den be wani, ma na ‘a santa yeye fu Gadu be meke den sabi san den mu sikiifi’ a (2 Peitilisi 1:21). Gadu be meke a santa yeye fi en yeepi den man ya fu sikiifi san a be abi a pakisei.—2 Timotiyesi 3:16.
2. Sama sa fende wini fu a Beibel?
Gadu be taki ‘sama fu ala nasi, lo anga tongo’ be o fende wini fu den sani di sikiifi aini Beibel. (Leisi Openbaring 14:6.) Aini a ten ya, Beibel de aini omen ondoo tongo. Beina ala sama sa fende Beibel leisi aini wan tongo di den e fusutan, winsi pe den e tan.
3. Fa Yehofa kibii a Beibel?
Di den bigin sikiifi Beibel, den be e sikiifi en a meti buba efuso wan sowtu pampila di be meke anga papirus. Ma den sani ya á be e libi langa, neen meke wantu man di be lobi a Beibel be e sikiifi en poti a taa pampila. Son sama di be abi makiti be e meke moiti fu poli a Beibel. Ma i be abi sama tu di be e du ala san den poi fu kibii a Beibel, winsi den be sa dede. Nawan sani be poi tapu a bosikopu fu Yehofa fu doo a wi. Beibel taki: ‘Den sani di Gadu taki e tan fu teego.’—Yesaya 40:8.
LUKU A TOLI YA MOO FINI
Luku fa Gadu meke sama sikiifi a Beibel, fa a kibii a Beibel, anga faw du man fende a Beibel aini a ten ya.
4. Beibel seefi e taigi u sama sikiifi en
Pee a FELON. Baka dati leisi 2 Timotiyesi 3:16, da i luku efii poi piki den akisi ya.
-
Efu a libisama sikiifi a Beibel, da saide den e kai en a Wowtu fu Gadu?
-
Ye biibi taki a Gadu be meke den man di sikiifi Beibel sabi san den be mu sikiifi?
Wan seketasi e sikiifi wan biifi, ma na a sama di taigi en san a mu sikiifi abi a biifi. A so a de anga a Beibel tu. A libisama ana sikiifi en, ma a Gadu pakisei de aini
5. Sama á be man poli a Beibel
A Gadu abi a Beibel, neen meke a kibii en fu sama á poli en. Aini den ten di pasa, a omen sama di be abi makiti be meke moiti fu poli a Beibel, ma den á be poi. Den keliki fesiman be e kibii a Beibel fu sama á fende en leisi. Ma a omen sama meke moiti fu kibii a Beibel, winsi den be sa dede seefi. Efii wani sabi a toli fu wan fu den man ya, pee a FELON, da i luku efii poi piki den akisi ya.
-
Now di i sabi taki sama be de kabakaba fu dede fu di den be wani kibii a Beibel, a sani ya e gi i taanga-sikin fu leisi en? Saide i taki so?
Leisi Psalm 119:97, da i luku efii poi piki a akisi ya:
-
Saide son sama be e du ala san den poi fu yeepi taawan fu fende a Beibel aini wan tongo di den be poi fusutan?
6. A buku ya a gi ala sama
Fu ala den buku di de a goontapu, a Beibel de aini moo ipi tongo. Leisi Toli fu den apostel 10:34, 35, da i luku efii poi piki den akisi ya:
-
Saide Gadu wani ala sama fende a Beibel aini wan tongo di den e fusutan?
-
Sai lobi fu a Beibel?
Beina
ala sama
a goontapu
sa fende a Beibel leisi aini wan tongo di den e fusutan
A hii Beibel efuso pisi fi en
de aini moo enke
3000
tongo
5.000.000.000
A wan sani fu feifi dunsu miliyun Beibel den doloki a hii goontapu
nawan taa buku de di doloki ipi so
SON SAMA E TAKI: ‘Beibel a wan gaandi buku di libisama sikiifi.’
-
Ma san ye denki fu a toli ya?
-
Sai soi taki Beibel na a Wowtu fu Gadu?
SAI LELI?
A Gadu gi wi a Beibel fu ala sama a goontapu sa fende en leisi.
Sai be o piki?
-
Fa Gadu be meke den man di sikiifi Beibel sabi san den be mu sikiifi?
-
A omen sani fu Beibel u leli na a pisi ya. Sowtu wan fu den e soi i taki a Gadu meke sama sikiifi a Beibel tuu?
-
Fa ye fii te i luku a moiti di Gadu meke fii fende a Beibel?
SIKIIFI SAI LELI
