TOLI 06
Fa libisama du kon a goontapu?
‘A Gadu na a Sama di e gi libi’ (Psalm 36:9). Ye biibi a sani ya? Son sama nai biibi taki a Gadu meke u. Efu a ná Gadu meke u, da dati wani taki ala sani kon fu denseefi. Ma efu a Yehofa Gadu meke u, da a musu sabi saide a meke u. a Wo luku san Beibel e taki fu a toli ya, anga saide u sa biibi den sani di Beibel taki.
1. Sama meke hemel anga goontapu?
Beibel e taki: ‘Na a bigin Gadu meke hemel anga goontapu’ (Genesesi 1:1). A omen koniman e biibi taki a wan sama meke hemel anga goontapu. Ma fa Gadu meke hemel anga goontapu? Anga a santa yeye fi en a meke ala sani. A santa yeye na ‘a kaakiti fu Gadu’.—Genesesi 1:2.
2. Saide Yehofa meke goontapu?
‘A ná sosokaali Yehofa meke goontapu, ma a meke en gi libisama fu tan’ (Yesaya 45:18). Di a meke a goontapu, a poti ala sani di libisama abi fanowdu neen tapu. (Leisi Yesaya 40:28; 42:5.) Koniman taki nawan taa palaneiti á de enke a goontapu. Den á si nawan taa palaneiti di abi ala sani di libisama abi fanowdu fu man tan a libi.
3. Saide libisama anga meti a ná aseefi?
Baka di Yehofa meke goontapu, a meke bon anga meti poti neen tapu. Baka dati, ‘Gadu meke libisama enke fa enseefi de’. (Leisi Genesesi 1:27.) Saide libisama á de enke meti? Beibel taki Gadu meke libisama enke fa enseefi de. Dati wani taki wi abi denseefi manii di Gadu abi. Leti enke Gadu, u poi soi lobi, u poi libi bun anga taawan, u poi taki, u poi aliki poku, u poi du taa sani di u lobi tu. Boiti dati, u poi dini Gadu, ma meti á poi du a sani ya.
LUKU A TOLI YA MOO FINI
Kow luku wantu toli aini Beibel di e soi taki u sa biibi taki a Gadu meke hemel anga goontapu. Wo si tu san den manii di libisama abi e leli u fu Gadu.
4. A wan sama meke ala sani
Libisama e luku den meti anga taa sani di de a goontapu, da den e meke sani enke masini. Te den du a sani ya, sama e gafa den te. Ma sama u mu gafa fu den meti anga taa sani di de a goontapu? Pee a FELON, da i luku efii poi piki a akisi ya.
-
San a wantu sani di libisama luku fu meke opalani anga taa sani?
Ala osu abi wan sama di meke en. Ma sama na a sama di meke ala sani? Leisi Hebrewsama 3:4, da i luku efii poi piki den akisi ya:
-
Sowtu wan fu den sani di Gadu meke i moo lobi?
-
Ye biibi taki a wan sama meke ala sani? Saide i taki so?
‘Ala osu abi wan sama di meke en, ma a sama di meke ala sani a Gadu’
5. U sa biibi den sani di Beibel taki fu a fasi fa Gadu meke hemel anga goontapu
Aini Genesesi kapitel 1, Beibel e taki fa Gadu meke goontapu anga ala sani neen tapu. U sa biibi den sani di sikiifi aini a Beibel buku ya? Pee a FELON, da i luku efii poi piki den akisi ya.
-
Beibel e leli taki aini sigisi dei namo Gadu meke goontapu anga ala sani neen tapu?
-
Ye biibi den toli aini Beibel di e taki fa Gadu meke hemel anga goontapu? Saide i taki so?
Leisi Genesesi 1:1, da i luku efii poi piki a akisi ya:
-
Koniman e biibi taki hemel anga goontapu abi wan bigin. Fa a sani di den e biibi e kai anga sai leisi aini a tekisi ya?
Son sama e biibi taki Gadu meke wan sani fosi, neen a sani de kengi toon meti anga libisama. Leisi Genesesi 1:21, 25, 27, da i luku efii poi piki den akisi ya:
-
Gadu meke wan sani fosi neen a sani de kengi kon toon fisi, meti anga libisama? Efuso a Gadu seefi meke libisama anga meti? b
6. Libisama á de enke den taa sani di Gadu meke
Wi anga den meti di Yehofa meke a ná aseefi. Leisi Genesesi 1:26, da i luku efii poi piki a akisi ya:
-
Gadu meke wi enke fa enseefi de, neen meke u poi lobi taawan. Te u si sama e pina, tyali e kisi u. San a sani ya e leli u fu Gadu?
SON SAMA E TAKI: ‘Ala sani di we si a goontapu ya a kowownu wan dei den kon. A ná sama meke den.’
-
Ma fa ye si a toli ya? Saide i piki so?
SAI LELI?
A Yehofa meke hemel anga goontapu anga ala sani fiya neen tapu.
Sai be o piki?
-
Enke fa Beibel e soi, da sama meke hemel anga goontapu?
-
Beibel e leli taki Gadu meke wan sani fosi neen a sani de kengi kon toon fisi, meti, anga libisama? Efuso a Gadu seefi meke ala sani?
-
Saide libisama anga meti a ná aseefi?
SIKIIFI SAI LELI
