TOLI 13

Falisi keliki e poli Gadu nen

PEE

Efu Gadu a lobi, da saide den keliki di e taki den e dini Gadu e du ogii so? A fu di ala den keliki ya a falisi keliki. Den e poli Gadu nen. Fa den e poli Gadu nen? Fa Gadu e fii te ai si fa den keliki ya e poli en nen? San ao du anga den?

1. Fa falisi keliki e poli Gadu nen anga den sani di den e leli sama?

Den falisi keliki nai leli sama ‘den tuu leli fu Gadu’, ma a falisi sani den e leli den (Romesama 1:25). Winsi fa Beibel taki u mu e kai Gadu nen, toku gaanse keliki nai leli den sama san na a nen fu Gadu (Romesama 10:13, 14). Te wan ogii pasa, da den keliki fesiman e leli sama taki a Gadu wani en so. Ma a lei den e lei gi Gadu, bika noiti Gadu e du ogii anga sama. (Leisi Yakowbesi 1:13.) A tyali taki den falisi sani di keliki e leli sama, e meke omen sama nai wani yee sani fu Gadu moo.

2. Fa falisi keliki e poli Gadu nen anga den sani di den e du?

Falisi keliki á lobi sama enke fa Yehofa lobi sama. Beibel taki ‘den sondu fu den ipi te neen den doo te a hemel’ (Openbaring 18:5). A omen ondoo yali kaba keliki e mumui aini politiki. Den e holibaka gi den feti di e feti a goontapu, pe miliyunmiliyun sama e lasi den libi. Son keliki fesiman e teke moni a den sama di e kon na a keliki fu den, fu di den wani kon gudu. Den sani di den e du e soi kiin taki den á sabi Gadu, neen meke den naabi a leti fu leli sama sani fu Gadu.—Leisi 1 Yohanisi 4:8.

3. Fa Gadu e fii te ai si den sani di falisi keliki e du?

Fa ye fii te i si den sani di falisi keliki e du? Efu a yu ai hati so, da fai si enke Yehofa e fii? Gadu lobi sama, neen meke en ati e boon te ai si fa den keliki fesiman e libi ogii anga den sama di e go na a keliki fu den. En ati e boon tu te ai si fa den e lei gi en. A paamisi wi aini Beibel taki ao puu ala den falisi keliki. A taki ‘noiti moo sama o fende den falisi keliki’ (Openbaring 18:21). Aa fika langa moo fu Gadu puu ala den falisi keliki a goontapu.—Openbaring 18:8.

LUKU A TOLI YA MOO FINI

Wo luku wantu taa sani di falisi keliki e du, anga fa Gadu e si den sani ya. Wo si tu saide ya mu meke den sani di keliki e du, tapu i fu kon leli sabi Yehofa.

4. A ná ala keliki Gadu e fende bun

Omen sama e fende taki den somen keliki di de, de enke omen pasi di e tyai i go a Gadu, neen meke a naabi toobi sowtu keliki ye go. Ma a sani ya a tuu? Leisi Mateyesi 7:13, 14, da i luku efii poi piki a akisi ya:

San Beibel e taki fu a pasi di e tyai sama go a teego libi?

Pee a FELON, da i luku efii poi piki a akisi ya.

FELON: A wan tuu biibi namo de?—Wan satu pisi (3:22)

Beibel e leli sama taki ala keliki bun gi Gadu?

5. Den falisi keliki á lobi sama enke fa Gadu lobi sama

A omen keliki e poli Gadu nen. Wan fu den moo gaan fasi fa den e poli Gadu nen, a di den e holibaka gi oloku. Efii wani si wan fasi fa den du a sani ya, pee a FELON, da i luku efii poi piki den akisi ya.

FELON: Den sani di keliki du na a ten fu a Du fu Tu Goontapu feti (2:22)

San omen keliki du na a ten fu a Du fu Tu Goontapu feti?
I si enke a sani di den keliki du ya bun? Saide i taki so?

Leisi Yohanisi 13:34, 35 anga 17:16, da i luku efii poi piki den akisi ya:

Fai si enke Yehofa e fii te keliki e holibaka gi feti?
A omen ogii falisi keliki e du. Sowtu ogii i si den keliki e du?

Falisi keliki á lobi sama enke fa Gadu lobi sama

6. Gadu wani yeepi sama fu komoto aini falisi keliki

Leisi Openbaring 18:4, a da i luku efii poi piki a akisi ya:

Fa ye fii di i yee taki Gadu e kai sama fu komoto aini falisi keliki?

7. Tan meke moiti fu kon sabi a tuu Gadu

Ya mu meke den sani di falisi keliki e du tapu i fu leli sabi Gadu. Pakisei wan boi di á wani aliki en dda. A mandii komoto a osu, neen a go du omen ogii. A hati a dda di a si den ogii di a boi fi en e du. Ma sama abi a fowtu, na a dda efuso a boi? Aa be o bun fu kuutu a dda fu den sani di a boi fi en e du, bika a neen poti en so.

I si enke a Yehofa abi a fowtu fu den ogii di falisi keliki e du? I si enke den sani di falisi keliki e du mu tapu u fu leli sabi Gadu?

SON SAMA E TAKI: ‘A naabi toobi sowtu keliki ye go, na aseefi Gadu ala we dini.’

A so ye denki tu?
Saide Gadu nai fende ala keliki bun?

SAI LELI?

Den ogii di falisi keliki e du anga den falisi sani di den e leli sama e poli Gadu nen. Gadu o puu ala den falisi keliki dyonson.

Sai be o piki?

Fa ye denki fu den sani di falisi keliki e leli sama anga den sani di den e du?
Fa Yehofa e fii te ai si den sani di den falisi keliki e du?
San Gadu o du anga den falisi keliki?

Sikiifi a dei di i kaba a pisi ya:

Puubei a sani ya

Di yo go a komakandaa baka, akisi wan sama ape taki: ‘Saide i toon wan Yehofa Kotoigi?’

Taa sani di i sa puubei:

Taa sani di i sa puubei

MOO SANI FU A TOLI YA

Luku tu sani di omen keliki e du di Gadu á lobi.

‘Na ala keliki na aseefi? Na ala den e yeepi sama fu dini Gadu?’ (A artikel de aini Saanantongo)

Saide Yehofa wani u kon makandaa anga taawan fu dini en?

‘A de fanowdu fu go a keliki?’ (A artikel de aini Saanantongo)

Wan pilisite á be lobi den sani di a keliki pe a be e go be e du. Ma toku a tan meke moiti fu leli sabi a tuu Gadu.

‘Saide wan pilisite komoto na a keliki pe a be e go?’ (Ontwaakt! fu februari 2015. A artikel de aini Saanantongo)

A omen ondoo yali kaba keliki e leli sama lei sani fu Gadu. Den sani ya e meke sama biibi taki Gadu abi ogii-ati. A artikel ya e taki fu dii fu den lei ya.

‘Wantu lei di sama e paati fu Gadu’ (A Saanantongo Wakititolen fu 1 november 2013)

a Efii wani sabi saide a Beibel buku Openbaring e kai den falisi keliki a Gaan Babilon, da luku Ete wantu sani no 1.