TOLI 14
Fa Gadu wani u dini en?
Aini toli 13, u si taki a ná ala keliki Gadu e fende bun, ma toku u poi dini Gadu enke fa a wani. ‘Fa Gadu wani u dini en?’ (Yakowbesi 1:27) Kow luku san Beibel e taki fu a toli ya.
1. Fa wo du sabi fa Gadu wani u dini en?
Beibel e soi u faw mu dini Gadu. Wan leisi Yesesi be taigi Gadu taki: ‘Na a wowtu fii na a tuu’ (Yohanisi 17:17). A omen keliki nai wooko anga san Beibel e taki. A san denseefi denki den e leli sama. A den gwenti fu libisama den e holi tu. Ma Gadu ati e boon ‘te sama e wai den weiti fi en poti a wan se, fu wooko anga den haw gwenti fu libisama’. (Leisi Malikisi 7:9.) Efu u wani Yehofa piisii, u mu wooko anga san Beibel e taki.
2. Faw mu dini Yehofa?
A Yehofa wawan u mu dini, bika neen meke u (Openbaring 4:11). A sani ya wani taki u mu lobi en anga u hii ati. Wa mu e dini Yehofa anga sani enke fowtow, pobiki, efuso taa sani.—Leisi Yesaya 42:8.
Beibel taki den sama di e dini Yehofa ‘mu santa’ (Romesama 12:1). A sani ya wani taki te we dini Yehofa, u mu libi enke fa a wani. Den sama di lobi Yehofa e wooko anga den weiti fi en di e taki fu a toowlibi. Boiti dati, den nai du sani di e poli a gusontu fu den, sani enke somoko efuso diingi sopi pasa maiki. a
3. Saide u mu e kon makandaa anga taawan fu dini Yehofa?
Te we kon makandaa anga taawan, we fende a okasi fu ‘gafa Yehofa aini a kemeente’ (Psalm 111:1, 2). Wan fasi fa we gafa Gadu, a te we singi. (Leisi Psalm 104:33.) A di Yehofa lobi u meke a wani u go a komakandaa, bika a sabi taki te wo du a sani ya, wo piisii fu teego. Te we go a den komakandaa, we fende taanga-sikin. Useefi sa gi taawan taanga-sikin tu.
LUKU A TOLI YA MOO FINI
Wo luku saide Yehofa á wani u dini en anga fowtow efuso pobiki. Wo si tu faw sa gafa Gadu.
4. Gadu á wani u dini en anga pobiki
Faw du sabi taki Gadu á wani u dini en anga pobiki? Pee a FELON, da i luku efii poi piki a akisi ya.
-
San be pasa di son sama aini Beibel ten be koboloiki pobiki fu dini Gadu?
Son sama e koboloiki pobiki te den e dini Gadu, bika den taki te den e dini Gadu na a fasi de, den e fii enke Gadu de moo koosube fu den. Ma Gadu lobi a sani ya? Leisi Ekisodesi 20:4-6 anga Psalm 106:35, 36, da i luku efii poi piki den akisi ya:
-
San a wantu sani di i si sama e koboloiki te den e dini Gadu?
-
Fa Yehofa e si a sani ya?
-
I si enke a bun fu koboloiki pobiki efuso fowtow te we begi Gadu? Saide i taki so?
5. Te we dini Yehofa wawan, ao yeepi u fu wa biibi falisi leli
Luku sowtu wini we fende te we dini Yehofa enke fa a wani. Pee a FELON.
Leisi Psalm 91:14, da i luku efii poi piki a akisi ya:
-
San Yehofa paamisi taki ao du gi wi efu u soi taki u lobi en, da u dini en wawan?
6. We gi Gadu gaandi te u de a den komakandaa
Te we gi piki a den komakandaa, we gi taawan taanga-sikin. We gafa Gadu tu. Leisi Psalm 22:22, da i luku efii poi piki den akisi ya:
-
Fa ye fii te sama e gi piki a den komakandaa?
-
I wani gi wan piki a komakandaa?
7. Yehofa e poolo te we paati san u leli anga taawan
A omen fasi u sa paati san u leli anga taawan. Leisi Psalm 9:1 anga 34:1, da i luku efii poi piki a akisi ya:
-
Sai leli fu Beibel di i wani paati anga taawan?
SON SAMA E TAKI: ‘A naabi toobi fa ye dini Gadu, solanga ye du bun, ai piisii anga i.’
-
Fa ye si a toli ya?
SAI LELI?
Yehofa e poolo te we dini en wawan, te we gafa en a komakandaa, anga te we paati san u leli anga taawan.
Sai be o piki?
-
Fa wo du man sabi fa Gadu wani u dini en?
-
Saide a Yehofa wawan u mu dini?
-
Saide u mu dini Gadu makandaa anga taawan?
MOO SANI FU A TOLI YA
Leisi a toli fu wan uman di e poolo taki a nai dini pobiki moo.
‘Mi nai dini pobiki moo’ (A Saanantongo Wakititolen fu 1 yuli 2011)
Luku san o yeepi i fi ya feele fu gi piki a komakandaa.
‘Gafa Yehofa te i de a komakandaa’ (A Wakititolen fu yanuari 2019)
Luku sowtu wini wan yonkuman fende di a go a komakandaa, winsi fa aa be makiliki gi en fu go.
A omen sama e denki taki Kelesten mu e koboloiki koloisi te den e dini Gadu. Ma Gadu wani u koboloiki koloisi te we dini en?
‘Saide Yehofa Kotoigi nai koboloiki koloisi te den e dini Gadu?’ (A artikel de aini Saanantongo)
a Wo taki fu den sani ya aini den taa toli di e kon.
