TOLI 15

Sama a Yesesi?

PEE

Sama a Yesesi?

Gaanse sama yee fu Yesesi. Ma winsi fa den sabi en nen, toku gaanse fu den sama ya á sabi en tuutuu. A omen sani den e taki fi en. Ma san Beibel e taki fu Yesesi?

1. Sama a Yesesi?

Yesesi a wan makiti engel di e tan a hemel. Beibel taki a Yesesi na a ‘fosi sani’ di Yehofa Gadu meke (Kolosesama 1:15). Beibel e kai Yesesi ‘a wan kodo Manpikin fu Gadu’, bika neen na a wan kodo sani di Yehofa seefi meke anga en ana (Yohanisi 3:16). A Yesesi yeepi en Nda Yehofa meke ala taa sani. (Leisi Odo 8:30.) Fu di den wooko makandaa fu meke ala sani meke den kon lobi denseefi. Te anga now Yehofa anga Yesesi a gaan mati. Beibel e kai Yesesi ‘a Wowtu’ tu, bika neen na a bosikopuman fu Gadu.—Yohanisi 1:14.

2. Saide Yesesi be kon a goontapu?

Wan sani fu 2000 yali pasa, Yehofa du wan wonduu. A teke a libi fu Yesesi di be de a hemel, neen a poti en aini a mulu fu Maliya, wan yonkuu uman di á be siibi anga man ete. A so Yesesi be o man meke a goontapu enke libisama. (Leisi Lukasi 1:34, 35.) Yehofa sende Yesesi kon a goontapu fu fii libisama. En na a Mesiyas efuso Kelestesi di Gadu be paamisi a foluku fi en. a Ala den sani di Beibel be taki fu a Mesiyas, pasa aini a libi fu Yesesi. A so sama be kon sabi taki ‘a Yesesi na a Kelestesi, a Manpikin fu a libilibi Gadu’.—Mateyesi 16:16.

3. Pe Yesesi de nownow?

Di Yesesi dede, Gadu weki en baka fu go libi enke wan yeye a hemel. Di a go a hemel, ‘Gadu hei en moo fa a be de kaba’ (Filipisama 2:9). Nownow ná pikin makiti Yesesi abi. A Yehofa wawan too abi makiti moo en.

LUKU A TOLI YA MOO FINI

Kow go luku moo sani fu Yesesi, anga saide a pelensipali fu sabi en.

4. Yesesi a ná Masaa Gadu

Beibel e taki Yesesi a wan makiti yeye a hemel, ma ai leli u tu taki Yehofa Gadu, a Dda fu Yesesi abi makiti moo en. Faw du sabi a sani ya? Pee a FELON, da yo si san Beibel e leli u fu Yesesi anga Masaa Gadu.

FELON: Yesesi Kelestesi a Masaa Gadu? (3:22)

Den tekisi ya e soi sama a Yehofa, anga sama a Yesesi. Leisi den, da i luku efii poi piki den akisi.

Leisi Lukasi 1:30-32.

Fa a engel kai Yesesi?

Leisi Mateyesi 3:16, 17.

San a siten a hemel taki di Yesesi be dopu?
Sama i denki abi a siten ya?

Leisi Yohanisi 14:28.

Sama moo bigi, wan dda efuso en boi?
San Yesesi be wani soi di a kai Yehofa en Dda?

Leisi Yohanisi 12:49.

I si enke Yesesi anga en Dda na aseefi sama? Saide i taki so?

5. Faw du sabi taki Yesesi na a Mesiyas?

A den polofeititoli aini Beibel di e taki fu a Mesiyas be yeepi sama fu sabi taki a Yesesi na a Mesiyas, a sama di Gadu be o sende kon fu fii libisama. Pee a FELON, da yo si wantu fu den polofeititoli di kon tuu aini a libi fu Yesesi.

FELON: Yesesi meke polofeititoli kon tuu (3:03)

Leisi den polofeititoli ya, da i luku efii poi piki den akisi:

Leisi Mika 5:2, da yo si pe a Mesiyas be o meke. b

Yesesi meke a pe a polofeititoli be taki a be o meke?—Mateyesi 2:1.

Leisi Psalm 34:20 anga Sakaliya 12:10, da yo si san be o pasa te a Mesiyas be o dede.

Den sani ya pasa tuu?—Yohanisi 19:33-37.
I si enke Yesesi seefi be o man meke ala den sani ya pasa?
Te i luku ala den polofeititoli ya, da sama i si enke a Yesesi?

6. A omen wini we fende te u leli sabi Yesesi

Beibel e soi taki a de taanga fanowdu fu kon sabi sama a Yesesi, anga sowtu wooko Gadu gi en. Leisi Yohanisi 14:6 anga 17:3, da i luku efii poi piki a akisi ya: