TOLI 22
Fai sa paati a bun nyunsu anga taawan?
Te anga now a omen sani i leli aini Beibel kaba. Kande ye pakisei taki: ‘Ala sama mu sabi den sani ya.’ A tuu, a de fanowdu fu taigi taawan sai leli. Ma kande ye feele fu du a sani ya. Wo luku san o yeepi i fu ya feele fu paati a bun nyunsu. Wo si tu fai sa du a sani ya anga piisii.
1. Fai sa paati den sani di i leli anga taawan?
Den bakaman fu Yesesi be taki: ‘Wa poi tapu fu taki fu den sani di u si anga den sani di u yee’ (Toli fu den apostel 4:20). Den bakaman fu Yesesi be lobi den sani di den be leli, neen meke den be wani taigi ala sama den sani ya. Kande iseefi wani taigi taawan sai leli tu. Efu a so ye fii, kande i sa bigin taigi den mati anga den famii fii sai leli, ma i mu du a sani ya a wan lesipeki fasi.—Leisi Kolosesama 4:6.
Wantu fasi fai sa bigin peleiki
-
Efii wani taigi wan famii fii wan sani di i leli aini Beibel, i sa bigin a taki so: ‘Mi leli wan moin sani a wiki ya.’
-
Efu wan mati fii abi polobelema, efuso kande a siki, i sa leisi wan Beibeltekisi gi en di o gi en taanga-sikin.
-
Efu wan sama a wookope akisi i fai pasa a wiki, i sa taigi en sai leli di i be e sutudeli Beibel, efuso di i go a komakandaa.
-
I sa soi den mati fii a jw.org website.
-
I sa kai wan sama fu kon anga i te ye sutudeli. I sa soi en tu fa enseefi sa poti en nen a jw.org fu wan sama sutudeli anga en.
2. Saide i mu e peleiki makandaa anga a kemeente?
Den bakaman fu Yesesi á be e peleiki gi sama di den be sabi namo. Beibel taki Yesesi be ‘sende den go na ala den foto’ fu peleiki (Lukasi 10:1). A omen sama be e yee a bun nyunsu te den be e peleiki na a fasi ya. Den bakaman fu Yesesi be e piisii tu te den be e peleiki makandaa (Lukasi 10:17). Luku sai sa du fi iseefi peleiki makandaa anga a kemeente.
LUKU A TOLI YA MOO FINI
Wo si san o yeepi i fu ya feele fu peleiki, anga sowtu wini yo fende te yo du a sani ya.
3. Yehofa o yeepi i
Son sama e feele fu peleiki, bika den e feele san sama o taki.
-
Ye feele fu taigi taawan sai leli? Saide?
Pee a FELON, da i luku efii poi piki a akisi ya.
-
San yeepi den yonkuu Kotoigi aini a felon ya fu den á feele moo?
Leisi Yesaya 41:10, da i luku efii poi piki a akisi ya:
-
Fa begi sa yeepi i te ye feele fu peleiki?
I be sabi a sani ya?
A omen Yehofa Kotoigi be e si enke den naw poi peleiki gi sama. Sergey a be wan fu den sama ya. A be e fii enke aa bun sai, neen meke a be e taanga gi en fu taki anga sama. Ma bakaten den Yehofa Kotoigi bigin sutudeli Beibel anga en. A taki: ‘Winsi fa a sani ya á be makiliki gi mi, toku mi be e paati san mi leli anga taawan. Te mi be e taigi taawan san mi e leli aini Beibel, a sani ya be e yeepi mi fu mi á feele moo. A be e yeepi mi tu fu moo biibi den sani di mi be e leli.’
4. Taki a wan lesipeki fasi
Te i wani paati a bun nyunsu anga wan sama, ya mu denki namo san yo taki, ma i mu pakisei tu fa yo taki anga a sama. Leisi 2 Timotiyesi 2:24 anga 1 Peitilisi 3:15, da i luku efii poi piki den akisi ya:
-
Fai sa wooko anga den sani di sikiifi aini den tekisi ya te ye taki anga sama fu Beibel?
-
Son famii anga mati naw biibi san ye leli den. Sai sa du te a sani ya pasa? San ya mu du?
-
Saide a bun fu poti akisi gi wan sama fu yeepi en fu fusutan wan toli, pe fii taigi en san a mu biibi?
5. Yo piisii te ye paati sai leli anga taawan
A Yehofa gi Yesesi a wooko fu paati a bun nyunsu. Fa Yesesi be e si a wooko ya? Leisi Yohanisi 4:34, da i luku efii poi piki den akisi ya:
-
Te we nyan bun nyanyan a sani ya e yeepi u fu tan a libi, ma ai meke u piisii tu. Saide Yesesi maiki a peleikiwooko anga nyanyan?
-
Sowtu wini i si enke yo fende te ye peleiki?
Sani di i sa puubei
-
Te i go na a mindiiwiki komakandaa, luku fa den sani di ye leli ape sa yeepi i fu bigin taki anga wan sama fu san ye leli.
-
Akisi a sama di e sutudeli anga i sai mu du fu poti i nen fu holi lezing. Te ye holi lezing, a sani ya e yeepi i fu sabi fai mu taki anga sama te ye peleiki.
-
I sa wooko anga den pisi di den e kai ‘Son sama e taki’ anga ‘Kande wan sama akisi i taki’ fu luku fai be o piki te sama taki son sani.
KANDE WAN SAMA AKISI I TAKI: ‘Fa ai go anga i? A langa wa miti.’
-
Fai sa koboloiki a okasi ya fu taigi en san ye leli na a Beibelsutudi?
SAI LELI?
U leli taki te we paati san u leli anga taawan, a sani ya e meke u piisii. Ma u si tu taki a sani ya á makiliki fu du.
Sai be o piki?
-
Saide u mu paati san u leli anga taawan?
-
Fai sa taki anga wan sama a wan lesipeki fasi?
-
San o yeepi i fu ya feele fu bigin peleiki?
MOO SANI FU A TOLI YA
Luku fo fasi fai sa koboloiki a jw.org kaita fu peleiki.
Luku fo manii di o yeepi i fu paati a bun nyunsu.
‘I kaba fu toon wan fisiman di e kisi libisama?’ (A Wakititolen fu september 2020)
Luku fa wan toli aini Beibel sa gi u taanga-sikin fu peleiki, winsi u yonkuu.
Luku fai sa taki anga i famii di á sabi sani fu Yehofa.
‘Meke moiti fu doo den famii fi yu ati’ (A Saanantongo Wakititolen fu 15 maart 2014)
