TOLI 24

San Beibel e taki fu den engel?

PEE

Yehofa wani u sabi a osufamii fi en di de a hemel. Aini a osufamii ya, yu abi engel di Beibel e kai, ‘manpikin fu Gadu’ (Yopu 38:7). San Beibel e taki fu den engel? San den engel e du? Na ala engel e aliki Gadu?

1. Sama a den engel?

Gadu be meke den engel kaba, fosi a meke goontapu. Den engel e tan a hemel, wa poi si den leti enke fa wa poi si Yehofa (Hebrewsama 1:14). A miliyunmiliyun engel de, ala den abi den manii (Openbaring 5:11). Ala den engel fu Yehofa ‘e du san a taki ala yuu’ (Psalm 103:20). Fosi, Yehofa be e sende engel kon a goontapu fu tyai bosikopu gi libisama. A be e sende den fu yeepi a foluku fi en tu. Ma aini a ten ya, a taa wooko den engel e du. Den e yeepi den tuu Kelesten fu miti sama di wani leli sabi Gadu.

2. Sama a Saatan anga den ogii yeye?

Wantu engel sitee anga Gadu. A fosi engel di sitee anga Gadu na a wan ‘di den e kai Didibii anga Saatan. Ai koli sama a hii goontapu’ (Openbaring 12:9). Saatan be wani tii taawan, neen meke a koli den fosi libisama. Bakaten a koli taa engel fu taangayesi Yehofa. Beibel e kai den engel ya ogii yeye. Yehofa yaki den puu a hemel kon a goontapu ya. Dyonson moo ao kii ala den.—Leisi Openbaring 12:9, 12.

3. Fa Saatan anga den ogii yeye e suku fu koli u?

A omen sama Saatan anga den ogii yeye e koli fu du afokodeei. Afokodeei a te sama e puubei fu taki anga den yeye. Son sama e bonu, taawan e du lukuman wooko, yu abi sama tu di e luku den sitali fu sabi fa den libi o waka. Son sama e go suku yeepi a bonuman te den siki. Taawan e biibi taki den poi taki anga dede sama. Ma Yehofa e taigi u taki: ‘Ná go a bonuman, ya mu go a lukuman tu’ (Lefitikesi 19:31). Yehofa á wani Saatan anga den ogii yeye fende u koli. Bika a ogii den wani du anga u, den anga Gadu a feyanti.

LUKU A TOLI YA MOO FINI

Wo luku wantu bun sani di den engel e du, saide u mu luku bun anga afokodeei, anga san u mu du efu wa wani Saatan anga den ogii yeye du ogii anga u.

4. Den engel e yeepi sama fu kon sabi Yehofa

Den engel fu Gadu nai peleiki gi sama. Ma den e yeepi den sama di e peleiki fu miti sama di wani kon sabi Gadu. Leisi Openbaring 14:6, 7, da i luku efii poi piki den akisi ya:

Saide wi abi den engel fanowdu fu man du a peleikiwooko?
Fai fende en taki den engel e yeepi u fu du a peleikiwooko? Saide i taki so?

5. Ná du afokodeei

Yehofa anga den ogii yeye a feyanti. Wi anga den a feyanti tu. Leisi Lukasi 9:38-42, da i luku efii poi piki a akisi ya:

San den ogii yeye e du anga sama?

Wa mu dini den ogii yeye. Leisi Deitolonomi 18:10-12, baka dati da i piki den akisi ya:

Fa den ogii yeye e suku fu koli u fu dini den? Fa den sama na a pisi pe ye tan, e meke moiti fu taki anga den ogii yeye?
Yu si enke a wan koni sani taki Yehofa bali u fu wa du afokodeei? Saide i taki so?

Pee a FELON, da i luku efii poi piki den akisi ya.

FELON: ‘Toto futu gi Didibii’ (5:02)

I si enke a wan bun sani taki Palesa be tei tetei na a pikin fi en ana? Saide i taki so?
San Palesa be mu du, efu aa be wani den ogii yeye fuufeli en moo?

Tuu Kelesten e toto futu gi den ogii yeye. Leisi Toli fu den apostel 19:19 anga 1 Korentesama 10:21, da i luku efii poi piki den akisi ya:

Saide u mu boon, efuso towe ala den sani di abi fu du anga ogii yeye?

6. I poi wini Saatan anga den ogii yeye

A Saatan a basi fu den ogii yeye. Ma a Mikayeli na a fesiman fu den engel di de a Gadu se. Mikayeli a wan taa nen fu Yesesi. Sowtu makiti Mikayeli abi? Leisi Openbaring 12:7-9, da i luku efii poi piki den akisi ya:

Sama moo taanga, Mikayeli anga den engel fi en, efuso Saatan anga den ogii yeye?
I si enke den bakaman fu Yesesi, mu feele Saatan anga den ogii yeye fi en?

I poi wini Saatan anga den ogii yeye. Leisi Yakowbesi 4:7, da i luku efii poi piki a akisi ya: