TOLI 25
San Gadu abi a pakisei gi libisama?
Beibel taki ‘libisama nai libi langa. A satu pisiten di den e libi seefi lai anga polobelema’ (Yopu 14:1). Na a libi ya Gadu be abi a pakisei gi u? Efu a ná a libi ya, da san a be abi a pakisei gi u? Ao du san a be abi a pakisei? Meke u luku den piki fu den akisi ya aini Beibel.
1. Sowtu libi Yehofa wani gi u?
Yehofa wani wi abi wan bun libi. Di Gadu meke den fosi libisama Adan anga Efa, a poti den aini wan moin paladeisi, di den e kai Eden. Beibel taki: ‘Gadu belesi den, neen a taigi den taki: “U meke pikin fuu a goontapu da u de basi fi en. U basi den fisi fu a se, den meti di e fee a tapu, anga ala den meti di e waka a doti”’ (Genesesi 1:28). Yehofa be wani den meke pikin fuu a hii goontapu. Den be mu meke a hii goontapu toon wan paladeisi. Den be mu solugu den meti tu. Yehofa be wani ala sama abi wan bun libi fu teego.
Te u luku a goontapu, da we si taki sani á waka enke fa Gadu be wani, a ma toku ao du san a be abi a pakisei ete (Yesaya 46:10, 11). Yehofa wani den sama di e libi enke fa a wani, libi fu teego aini wan nyun goontapu sondee booko-ede.—Leisi Openbaring 21:3, 4.
2. San u mu du fu abi bun libi nownow?
Libisama ‘abi Gadu fanowdu’. Yehofa meke wi anga fii fu leli sabi en anga fu dini en. (Leisi Mateyesi 5:3-6.) A wani wi anga en toon bun mati. A taki u mu ‘du ala san ai taigi u’. U mu ‘dini en anga u hii ati’ (Deitolonomi 10:12; Psalm 25:14). Efu u du a sani ya, wo piisii nownow winsi wi abi polobelema. Te we du sani enke fa Yehofa wani, da u libi o waka bun.
LUKU A TOLI YA MOO FINI
Wo si fa Yehofa soi taki a lobi u di a meke a goontapu. Wo si tu saide Gadu meke libisama.
3. Yehofa wani libisama abi wan bun libi
Pee a FELON, da i luku efii poi piki a akisi ya.
-
Saide Gadu meke goontapu?
Leisi Peleikiman 3:11, da i luku efii poi piki a akisi ya:
-
San a tekisi ya e leli i fu Yehofa?
4. Yehofa o du san a be abi a pakisei ete
Leisi Psalm 37:11, 29 anga Yesaya 55:11, da i luku efii poi piki a akisi ya.
-
Faw du sabi taki Yehofa o du san a be abi a pakisei ete?
Winsi wan osu booko, i sa seeka en baka. A letiso libisama poli a goontapu, ma Gadu o seeka en gi den sama di lobi en
5. Te we dini Yehofa, we moo piisii
Te u sabi saide Gadu meke u, da a sani ya o yeepi u fu abi wan bun libi. Pee a FELON, da i luku efii poi piki a akisi ya.
-
Fa Terumi be e fii di a kon sabi saide a de a libi?
Leisi Peleikiman 12:13, da i luku efii poi piki a akisi ya:
-
Faw sa soi taki we teke den somen sani di Yehofa du gi u fu bigi?
KANDE WAN SAMA AKISI I TAKI: ‘Saide u de a libi?’
-
Sai be o piki?
SAI LELI?
Yehofa wani u libi fu teego aini wan paladeisi a goontapu ya. Efu we dini Yehofa anga u hii ati, u libi o waka bun nownow kaba.
Sai be o piki?
-
Saide Yehofa be meke Adan anga Efa?
-
Faw du sabi taki Gadu o du san a be abi a pakisei gi libisama ete?
-
San u mu du efu u wani abi wan bun libi nownow?
MOO SANI FU A TOLI YA
A artikel ya e soi saide u sa biibi taki a dyali Eden be de tuutuu.
‘A dyali Eden be de tuutuu?’ (A Saanantongo Wakititolen fu 1 yanuari 2011)
A artikel ya e soi saide u sa biibi taki a goontapu naw booko.
Saide u de a libi? I sa leisi aini a artikel ya san Beibel e taki fu a toli ya.
Wan man di be si enke a abi ala sani, fende wan sani di a be e mankei aini en libi. Luku a felon da yo si san a fende.
a Aini a taa toli wo si saide a goontapu á de wan paladeisi nownow.
