TOLI 27

Sowtu wini we fende fu a dede fu Yesesi?

PEE

Fu di Adan anga Efa taangayesi Gadu, meke ala wi abi sondu. a Na a sani de meke we pina, da we dede bakaten. Ma howpu de. Yehofa seeka sani fu fii wi fu sondu. A sende en wan kodo Manpikin Yesesi Kelestesi kon dede gi u. Beibel taki Yehofa bai wi anga a libi fi en Manpikin, di á be abi sondu. (Leisi Mateyesi 20:28.) Di Yesesi kon dede gi u, a opo a pasi gi u fu fende den sani di Adan anga Efa be lasi. A sani di Yehofa anga Yesesi du ya, soi taki ná pikin lobi den lobi u. A toli di wo luku ya, o yeepi i fu moo teke a dede di Yesesi kon dede gi u fu bigi.

1. Fa u sa fende wini fu a dede fu Yesesi aini a ten ya?

Fu di wi abi sondu meke we du omen sani di Yehofa á lobi. Ma te u du wan sani di Yehofa á lobi, neen wi akisi en paadon aini a nen fu Yesesi, da wi anga en sa toon mati baka. Ma u mu e meke moiti fu wa du a sani de moo (1 Yohanisi 2:1). Beibel e taki: ‘Kelestesi di be e libi a wan letifasi, dede wan leisi namo fu fii sama fu den sondu fu den. A dede gi sama di á be e libi a wan letifasi. A so den anga Gadu sa toon mati baka.’—1 Peitilisi 3:18.

2. Sowtu wini wo fende fu a dede fu Yesesi aini a ten di e kon?

Yehofa sende Yesesi kon a goontapu fu dede gi u ‘fu meke den sama di e biibi en fende teego libi’ (Yohanisi 3:16). Na a sani di Yesesi du ya, meke dyonson Yehofa o puu ala den takuu bakapisi fu a sani di Adan du. Dati wani taki efu we fitoow Yesesi, da useefi o fende a okasi fu libi fu teego aini wan paladeisi a goontapu.—Yesaya 65:21-23.

LUKU A TOLI YA MOO FINI

Teke ten pakisei saide Yesesi kon dede gi u, anga sowtu wini i sa fende fu a sani ya.

3. A dede fu Yesesi o fii wi fu sondu anga dede

Pee a FELON, da i taki fu a akisi ya.

FELON: Saide Yesesi be mu dede?—Pisi 1 (2:01)

San Adan lasi di a taangayesi Gadu?

Leisi Romesama 5:12, da i luku efii poi piki a akisi ya:

Sowtu takuu bakapisi a sondu fu Adan tyai gi u?

Leisi Yohanisi 3:16, da i luku efii poi piki a akisi ya:

Saide Yehofa be sende en Manpikin kon a goontapu?

Adan á be abi sondu, ma di a taangayesi Gadu, a tyai sondu anga dede gi ala sama
Yesesi á be abi sondu, a aliki Gadu neen a dede fu fii libisama fu sondu anga dede

4. Na ala sama sa fende wini fu a dede fu Yesesi

Pee a FELON, da i luku efii poi piki a akisi ya.

FELON: Saide Yesesi be mu dede?—Pisi 2 (2:00)

Fa a dede fu wan man sa tyai wini gi ala sama?

Leisi 1 Timotiyesi 2:5, 6, da i luku efii poi piki a akisi ya:

Adan á be abi sondu, ma di a taangayesi Gadu, a tyai sondu anga dede gi libisama. Yesesi seefi á be abi sondu. San Yesesi be poi du gi u fu di aa be abi sondu?

5. A dede fu Yesesi a wan kado di Yehofa gii

Den mati fu Yehofa e si a dede di a meke Yesesi kon dede gi u, enke wan kado di a gi den. Leisi Galasiyasama 2:20, da i luku efii poi piki a akisi ya:

Fa apostel Pawlesi be soi taki a be e si a dede fu Yesesi enke wan kado di Yehofa gi en?

Di Adan sondu a sani de tyai dede gi en, anga ala den bakapikin fi en. Ma Yehofa sende en Manpikin kon dede gi u fu u sa fende a okasi fu libi fu teego.

Te ye leisi den vers di e kon, da pakisei fa Yehofa be e fii di sama be e pina a Manpikin fi en. Leisi Yohanisi 19:1-7, 16-18, da i luku efii poi piki a akisi ya: