TOLI 28
Soi taki ye teke san Yehofa anga Yesesi du gii fu bigi
Fa ye fii te wan mati fii gii wan kado? I musu e piisii. Ye wani soi en tu taki ye teke san a du gii fu bigi. Yehofa anga Yesesi gi wa moo gaan kado di wan sama be sa fende. San na a kado ya? Faw sa soi taki we teke en fu bigi?
1. San a wan fasi faw sa soi taki we teke san Gadu anga Kelestesi du gi u fu bigi?
Beibel e taigi u taki ‘ala sama di e biibi Yesesi’ o fende teego libi (Yohanisi 3:16). San a wani taki fu biibi Yesesi? Dati wani taki u nai biibi namo taki Yesesi de, ma a fasi fa we libi e soi taki we biibi a sani ya tuutuu (Yakowbesi 2:17). Te we soi a biibi fu wi aini a fasi fa we du sani, da wi anga Yesesi anga en Dda Yehofa o toon moo bun mati.—Leisi Yohanisi 14:21.
2. Sowtu pelensipali komakandaa e yeepi u fu soi taki we teke san Yehofa anga Yesesi du gi u fu bigi?
A neti fosi Yesesi dede, a be soi den bakaman fi en wan taa fasi fa den sa soi taki a sani di a du e bigi gi den. A neti de a soi den fa den sa membee a dede fi en. Beibel e kai a sani ya ‘a neti nyanyan fu Masaa’. U sabi en enke a Membeefesa tu (1 Korentesama 11:20). Yesesi be wani den apostel fi en, anga ala tuu Kelesten membee a dede di a dede gi u. Neen meke a be taki: ‘U mu e du a sani ya fu membee mi’ (Lukasi 22:19). Te ye go na a Membeefesa, ye soi taki ye teke a sani di Yehofa anga Yesesi du gi u fu bigi.
LUKU A TOLI YA MOO FINI
Kow luku wantu taa fasi faw sa soi taki we teke a sani di Yehofa anga Yesesi du gi u fu bigi. Wo si tu saide a de taanga fanowdu fu membee a dede fu Yesesi.
3. Faw sa soi taki we teke a sani di Yehofa anga Yesesi du gi u fu bigi?
Kow taki i be de fu dede a wataa, neen wan sama puu i. I be o feegete a sani ya? I be o soi a sama taki ye teke a sani di a du gii fu bigi, ná so noh?
A letiso Yehofa puu wi a dede mofu. Leisi 1 Yohanisi 4:8-10, da i luku efii poi piki den akisi ya:
-
Saide a dede di Yesesi dede gi u, a wan gaan kado?
-
Fai fende a sani di Yehofa anga Yesesi du gii ya?
U mu du sani fu soi taki we teke a sani di Yehofa anga Yesesi du gi u fu bigi. Leisi 2 Korentesama 5:15 anga 1 Yohanisi 4:11; 5:3. Baka dati da i luku efii poi piki a akisi ya:
-
Enke fa den tekisi e soi, da faw sa soi taki we teke a sani di Yehofa anga Yesesi du gi u fu bigi?
4. Waka a Yesesi baka
Wan taa fasi faw sa soi taki we teke san Yesesi du gi u fu bigi, a te we waka neen baka. Leisi 1 Peitilisi 2:21, da i luku efii poi piki a akisi ya:
-
San a wantu fasi fai sa waka a Yesesi baka?
Yesesi be lobi a Wowtu fu Gadu. A be e peleiki a bun nyunsu. A be lobi yeepi sama tu
5. Membee a dede fu Yesesi
Efii wani sabi fa Yesesi be taigi den bakaman fi en fu membee a dede fi en, leisi Lukasi 22:14, 19, 20, da i luku efii poi piki den akisi ya:
-
Fa Yesesi soi den bakaman fi en fu membee a dede fi en?
-
San a win anga a beele wani taki? Luku vers 19 anga 20.
Yesesi be wani den bakaman fi en holi a Membeefesa wan leisi wan yali fu membee a dede fi en. Neen meke den Yehofa Kotoigi e kon makandaa wan leisi wan yali fu membee a dede fu Yesesi, leti enke fa a be taki. Efii wani sabi moo fu a Membeefesa, da pee a FELON, baka dati da i luku efii poi piki a akisi ya.
-
Fa sani e waka na a Membeefesa?
A beele anga a win wani taki wan sani. A beele wani taki a sikin fu Yesesi di naabi sondu. A win wani taki a buulu fi en
SON SAMA E TAKI: ‘Solanga ye biibi aini Yesesi, yo fende a teego libi. I naabi fu du nawan taa sani moo.’
-
Fai sa koboloiki Yohanisi 3:16 anga Yakowbesi 2:17 fu soi a sama taki a ná biibi namo a mu biibi aini Yesesi?
SAI LELI?
We soi taki we teke san Yesesi du gi u fu bigi te we biibi en, anga te we go na a Membeefesa.
Sai be o piki?
-
San a wani taki fu biibi Yesesi?
-
Fai sa soi taki ye teke san Yehofa anga Yesesi du gii fu bigi?
-
Saide a pelensipali fu membee a dede fu Yesesi?
MOO SANI FU A TOLI YA
San u poi du fu di Yesesi dede gi u?
Leisi a artikel ya, da yo kon sabi moo bun, san biibi wani taki, anga faw sa soi taki we biibi.
‘Soi taki ye biibi den sani di Yehofa paamisi u’ (A Wakititolen fu oktober 2016)
Aini a artikel di den e kai ‘Mi kosensi nai fon mi moo’, we leisi a toli fu wan uman di libi kengi baka di a kon fusutan moo bun san a dede fu Yesesi wani taki gi en.
‘Beibel e kengi sama libi’ (A Saanantongo Wakititolen fu 1 augustus 2011)
Luku saide a wantu sama namo e nyan na a Membeefesa.
