Wan sama di i lobi dede? Efu a sani ya miti i, kande ye akisi iseefi taki: ‘Sai pasa anga wan sama te a dede? Wan ten o kon pe wo si den sama fu u di dede baka?’ Kow luku san Beibel e taki fu a toli ya.

1. Sai pasa anga wan sama te a dede?

Yesesi be taki te wan sama dede, a leti enke ai siibi wan dipi siibi. Te wan sama e siibi dipi, a nai sabi sai pasa a pisiten de. Saide u sa maiki dede anga a siibi di wan sama e siibi? Te wan sama dede, a nai fii pen moo. Winsi fa a be lobi den mati anga den famii fi en, toku a nai pakisei den moo. Beibel taki ‘dedesama á sabi nawan sani’.​—Leisi Peleikiman 9:5.

2. Sowtu wini we fende te u sabi sai pasa anga wan sama te a dede?

A omen sama e feele dede. Taawan e feele dedesama. Ma Yesesi be taki: ‘A tuu o meke u fii’ (Yohanisi 8:32). Son keliki e leli sama taki te wan sama dede, wan sani fi en e libi go doo. Ma Beibel nai taki a sani de. Te wan sama dede kaba, a nai fii sani moo. Aa sabi nawan sani tu, neen meke aa poi du ogii anga u. Aa de fanowdu fu gi en gaandi, efuso begi gi en.

Son sama taki u sa taki anga den sama di dede. Ma wa poi du a sani de, bika dyonson ya u leli taki te wan sama dede ‘aa sabi nawan sani moo’. Den sama e denki taki anga dedesama den e taki, ma anga den ogii yeye den e taki. Den yeye ya e du enke den na a sama fu u di dede. Te u sabi tuutuu sai pasa anga den sama fu u te den dede, da a sani ya e yeepi u fu den ogii yeye á fende u koli. Yehofa bali u taki wa mu suku fu taki anga den dedesama. Bika a sabi taki efu we taki anga den ogii yeye, a sani ya o tyai ogii gi u.​—Leisi Deitolonomi 18:10-12.

3. San Beibel taki e pasa anga wan sama te a dede?

A omen fasi sama e denki fu a toli ya a hii goontapu. Ma a ná ala den denki ya a tuu.

• San den sama na a pisi pe ye tan e denki fu dedesama?

 4. We fende wini te u sabi sai pasa anga wan sama te a dede

Te u sabi sai pasa anga wan sama te a dede, a sani ya e yeepi u fu wa feele dedesama. Leisi Peleikiman 9:10, da i luku efii poi piki a akisi ya:

• Den dedesama poi du ogii anga u?

Efu we biibi den sani di Beibel e taki fu den sama di dede, da wo si taki aa de fanowdu fu du sani gi den fu di wa wani den ati boon aw. Leisi Yesaya 8:19 anga Openbaring 4:11, da i luku efii poi piki a akisi ya:

• Fai denki Yehofa e fii te sama e begi den sama fu den di dede?

5. We fii bun te u sabi sai pasa anga wan sama te a dede

A omen sama e biibi taki te den dede, Gadu o sitaafu den fu den ogii di den du. Ma Beibel e leli u taki te wan sama dede, a nai pina moo. Den sama di be du gaan ogii seefi nai pina moo te den dede kaba. Leisi Romesama 6:7, da i luku efii poi piki a akisi ya:

• A tekisi taki te wan sama dede, a naabi fu pai fu den sondu fi en moo. Efu a so a de, da i si enke Gadu e sitaafu den sama di dede fu den sani di den be du a ten di den be de a libi?

Te yo leli sabi Yehofa moo bun, yo si taki a nai pina den sama di dede. Leisi Deitolonomi 32:4 anga 1 Yohanisi 4:8, da i luku efii poi piki den akisi ya:

• Te i luku den manii fu Gadu di kai aini den tekisi ya, da i si enke a sa pina sama di dede fu teego?

• Den sani di Beibel e taki fu den sama di dede e toosutu i? Saide i taki so?

 SAI LELI?

Te wan sama dede aa sabi nawan sani moo, a nai pina moo tu.

Sai be o piki?

• Sai pasa anga wan sama te a dede?

• Sowtu wini we fende te u sabi sai pasa anga wan sama te a dede?

• Saide we fii bun fu di u sabi sai pasa anga wan sama te a dede?