TOLI 33
San a Kownukondee fu Gadu o du?
Gadu Kownukondee e tii kaba. Dyonson ao tii hii goontapu. Kow luku wantu sani di a Kownukondee fu Gadu o du dyonson.
1. Fa a Kownukondee fu Gadu o puu ogii a goontapu?
Yesesi, a Kownu fu Gadu Kownukondee, o kii ala den ogii sama. Ao puu ala den libisama tiiman a pasi na a feti di den e kai Alimakedon (Openbaring 16:14, 16). Na a ten de a sani di Gadu be paamisi aini Beibel o kon tuu. Ai taki: ‘Dyonson den ogii sama naw de moo’ (Psalm 37:10). Te Yesesi o tii a hii goontapu, ala sama o libi na a wan.—Leisi Yesaya 11:4.
2. Fa a libi o de a goontapu te ala sama e libi enke fa Gadu wani?
Te a Kownukondee fu Gadu o tii, a ‘den sama di e libi a wan letifasi o fende a goontapu. A den o tan neen fu teego’ (Psalm 37:29). Pakisei fa a libi o de te ala sama o go e libi switi anga denseefi. Nawan sama o du ogii anga taawan moo. Den o lobi Yehofa. Sama naw go e siki. Wo libi fu teego.
3. San Gadu Kownukondee o du te den ogii sama naw de moo?
Te den ogii sama naw de moo, da Yesesi o tii 1000 yali langa enke Kownu. En anga den 144.000 sama di o tii makandaa anga en, o yeepi libisama fu den naabi sondu moo. Baka a 1000 yali tii, nawan sama o abi sondu moo. A hii goontapu o toon wan paladeisi. Ala sama o piisii. Den o libi enke fa Yehofa wani. Baka dati Yesesi o gi a Kownukondee neen Dda Yehofa baka. A so a nen fu Yehofa o ‘santa’ (Mateyesi 6:9, 10). Ala sama o kon sabi taki Yehofa na a moo bun Tiiman. Ai booko en ede anga den sama di ai tii. Yehofa o kii Saatan, den ogii yeye fi en, anga ala den sama di á wani saka denseefi neen ondoo (Openbaring 20:7-10). Ala sani o waka bun a goontapu fu teego te a Kownukondee fu Gadu o tii.
LUKU A TOLI YA MOO FINI
Wo luku saide u sa biibi taki a Kownukondee fu Gadu o du ala den sani di a paamisi aini Beibel.
4. Gadu Kownukondee o puu ala libisama tiiman
Beibel taki ‘fanafu di libisama bigin tii taa libisama, sani nai waka bun gi den’ (Peleikiman 8:9). Yehofa o meke a Kownukondee fi en puu ala den ogii di e miti u nownow.
Leisi Daniyeli 2:44 anga 2 Tesalonikasama 1:6-8, da i luku efii poi piki den akisi ya:
-
San Yehofa anga en Manpikin o du anga den tiiman fu a goontapu ya, anga den sama di e holibaka gi den?
-
Te i luku sai leli te anga now, da saide u sa biibi taki Yehofa anga Yesesi o du sani a wan letifasi?
5. Yesesi na a moo bun Kownu
Te Yesesi o tii goontapu, a omen bun sani ao du gi den sama di ao tii. Pee a FELON, da yo si taki Yehofa gi Yesesi a makiti fu yeepi libisama. Yo si aini a felon ya tu taki anga en hii ati ai yeepi sama.
Di Yesesi be de a goontapu, a soi san ao du di ao tii goontapu. Sowtu wan fu den sani di kai ya i wani si? Leisi den tekisi di e soi san a Kownukondee o du.
|
DI YESESI BE DE A GOONTAPU . . . |
TE YESESI O TII GOONTAPU . . . |
|---|---|
|
|
|
|
|
|
|
|
6. Te a Kownukondee fu Gadu o tii, wo abi wan bun libi
A Kownukondee o meke u fende a libi di Yehofa be abi a pakisei gi u senten di a meke u. Pee a FELON, da yo si fa Yehofa o meke Yesesi du den sani di a be abi a pakisei di a meke libisama poti a goontapu.
Leisi Psalm 145:16, da i luku efii poi piki a akisi ya:
-
A tekisi taki Yehofa o ‘gi ala sani di de a libi san den wani’. Fa a sani ya e meke i fii?
SON SAMA E TAKI: ‘Efu u wooko makandaa, u sa seeka a goontapu ya.’
-
San a Kownukondee fu Gadu o du, di libisama tiiman á poi du?
SAI LELI?
A Kownukondee fu Gadu o du san Gadu abi a pakisei. Ao meke a goontapu ya toon wan paladeisi, da ala sama a goontapu o libi enke fa Yehofa wani.
Sai be o piki?
-
Fa a Kownukondee fu Gadu o santa Yehofa nen?
-
Saide u sa biibi taki a Kownukondee fu Gadu o du ala den sani di sikiifi aini Beibel?
-
Sowtu wan fu den sani di a Kownukondee o du i wani si?
MOO SANI FU A TOLI YA
Leisi a artikel ya da yo si san na Alimakedon.
Di Yesesi be de a goontapu a be taki fu wan gaan banowtu. Luku san a den sani di o pasa a pisiten de.—Mateyesi 24:21.
Luku fa wan osufamii sa sidon pakisei fa a libi o de aini a paladeisi.
Wan man di be e sitee anga lanti kon fusutan wan sani di be taanga gi en fu fusutan. A toli fi en sikiifi aini a artikel di den e kai ‘Wantu akisi di be e gi mi booko-ede’.
‘Beibel e kengi sama libi’ (A Saanantongo Wakititolen fu 1 yanuari 2012)
