TOLI 34

Fai sa soi taki i lobi Yehofa?

PEE

Te i luku di i be bigin sutudeli Beibel anga nownow, i si enke i kon moo lobi Yehofa? I wani toon wan moo bun mati anga Yehofa? Te Yehofa si taki ye kon moo lobi en, da enseefi e kon moo lobi i tu. Fai sa soi Yehofa taki i lobi en?

1. Fai sa soi taki i lobi Yehofa?

Ye soi taki i lobi Yehofa, te ye du san a taki. (Leisi 1 Yohanisi 5:3.) Yehofa nai dwengi u fu dini en, ma ai meke ala sama luku efu den wani aliki en. Saide? Bika a wani ala sama ‘dini en anga den hii ati’ (Romesama 6:17). Yehofa nai musu u fu dini en, ma a wani u dini en fu di u lobi en. Pisi 3 anga 4 fu a buku ya, o yeepi u fu du sani di Yehofa lobi. Den o yeepi u tu fu wa du sani di aa lobi.

2. Saide ai taanga son yuu fu soi Yehofa taki u lobi en?

Beibel taki ‘wan leti ati sama lai polobelema’ (Psalm 34:19). Ala wi abi fu feti anga den sondu fii fu u. Son wan fu wi a pootiman. Wi abi taa polobelema tu. Te a libi e taanga gi u, a ná ala yuu a makiliki fu du san Yehofa wani. Bika son yuu we fii enke a libi e moo makiliki gi u te u nai aliki Yehofa. Ma te we du san Yehofa wani winsi aa makiliki, we soi taki u lobi en tuutuu. Te we soi taki u nai gwe fika en winsi sai pasa, da enseefi naw gwe fika u noiti.—Leisi Psalm 4:3.

LUKU A TOLI YA MOO FINI

Kow luku saide Yehofa wani wi aliki en anga san o yeepi u fu wa gwe fika en.

3. Saatan taki ogii fii

Saatan á taki ogii fu Yopu wawan, ma a taki fu ala den sama di wani dini Yehofa. Leisi Yopu 1:1, 6–2:10, da i luku efii poi piki den akisi ya:

Enke fa Saatan taki, da saide Yopu be e dini Yehofa? Luku Yopu 1:9-11.
San Saatan taki fi yu anga ala taa sama?—Luku Yopu 2:4.

Leisi Yopu 27:5b, da i luku efii poi piki a akisi ya:

Fa Yopu soi taki a lobi Yehofa tuutuu?

Di Yopu holidoo, a soi taki a lobi Yehofa

We soi taki u lobi Yehofa te u nai gwe fika en

4. Meke Yehofa piisii

Leisi Odo 27:11, da i luku efii poi piki a akisi ya:

Fa Yehofa o fii te yu aliki en? Saide aw fii so?

5. I poi du sani enke fa Yehofa wani

A di u lobi Yehofa meke we peleiki winsi aa makiliki. Pee a FELON, da i luku efii poi piki den akisi ya:

FELON: Opo taki gi a biibi fi i te tesi e miti i (5:09)

Ai taanga gii son leisi fu taki anga taawan fu Yehofa?
San yeepi Grayson fu aa feele moo?

Efi ye buuse san Yehofa e buuse neen i lobi san a lobi, aw moo makiliki gii fi ya gwe fika en. Leisi Psalm 97:10, da i luku efii poi piki den akisi ya: