TOLI 50
Fai sa abi wan koloku osufamii?—Pisi 2
Pikin de enke wan kado di Yehofa gi mma anga dda. Neen meke a wani den kiya den pikin fu den bun. Yehofa e soi mma anga dda fa den sa du a sani ya. Ma ai soi den pikin fa den mu tyai denseefi tu.
1. Fa Yehofa wani mma anga dda kiya den pikin?
Yehofa wani mma anga dda lobi den pikin. A wani den meke ten gi den tu. A wani den kibii den pikin fu ogii á miti den. Yehofa wani mma anga dda wooko anga den leli fu Beibel te den e kiya den pikin fu den (Odo 1:8). Neen meke ai taigi den dda taki: ‘U mu kiya den pikin fu u anga den leli fu Yehofa.’ (Leisi Efeisesama 6:4.) Yehofa e piisii te mma anga dda e kiya den pikin fu den anga den leli fi en. Aa wani den gi taa sama a faantiwowtu ya.
2. Fa Yehofa wani den pikin tyai denseefi?
Yehofa e taigi den pikin taki: ‘U mu aliki u mma anga u dda.’ (Leisi Kolosesama 3:20.) Te den pikin e aliki den mma anga den dda, da a sani ya e meke Yehofa piisii. Den mma anga den dda e piisii tu (Odo 23:22-25). Pikin sa waka a Yesesi baka te u luku a fasi fa a be e tyai enseefi. Winsi fa en mma anga en dda a be sondu sama, toku a be e aliki den ala yuu. A be e lesipeki den tu.—Lukasi 2:51, 52.
3. San o yeepi ala sama aini a osufamii fu toon mati anga Yehofa?
Efi yu abi pikin, yo wani den lobi Yehofa enke fai lobi en. Fai sa yeepi den pikin fii fu toon Yehofa mati? Yehofa e taigi wi aini en Wowtu taki: ‘U mu leli den pikin fu u [a Wowtu fu Yehofa] ala yuu. U mu leli den te u sidon aini osu anga te u de a pasi e go a wan peesi’ (Deitolonomi 6:7). Efu wa wani den pikin fu u feegete san we leli den, da na ala yuu u mu e membee den. A tekisi ya e soi taki na ala yuu u mu e suku okasi fu taki anga den pikin fu u fu Yehofa. A be o bun fu poti wan dei aini a wiki pe we sutudeli Beibel makandaa enke osufamii. Winsi i naabi pikin, toku a bun fu e sutudeli Beibel ala wiki.
LUKU A TOLI YA MOO FINI
Wo luku san ala sama sa du fu sani waka bun aini a osufamii.
4. Soi den pikin fii taki i lobi den
A ná wan makiliki sani fu kiya wan pikin. Ma fa Beibel sa yeepi i? Leisi Yakowbesi 1:19, 20, da i luku efii poi piki den akisi ya:
-
Fa mma anga dda sa soi den pikin taki den lobi den, te den e taki anga den?
-
Saide mma anga dda ati á mu de boonboon te den e poti den pikin fu den a pasi? a
5. Kibii i pikin fu ogii á miti en
A de taanga fanowdu fu taki anga den pikin fii fu seks. A sani ya o yeepi den fu sama á du ogii anga den. Ma kande sen e kisi i fu du a sani ya. Pee a FELON, da i luku efii poi piki den akisi ya:
-
Saide ai taanga gi son mma anga dda fu taki anga den pikin fu den fu seks?
-
Fa son mma anga dda taki anga den pikin fu den fu seks?
Dei fu dei a goontapu fu Saatan e kon moo ogii enke fa Beibel be taki. Leisi 2 Timotiyesi 3:1, 13, da i luku efii poi piki a akisi ya:
-
Vers 13 e soi taki sama be o kon moo ogii dei fu dei. Wan fu den ogii di den be o du, na a tyai di den be o tyai umanfasi a pikinnengee. Saide a de taanga fanowdu fu mma anga dda taki anga den pikin fu den fu seks? Saide den mu leli den pikin fu den san den mu du te sama wani abi seks anga den?
I be sabi a sani ya?
Yehofa Kotoigi abi omen buku anga felon di sa yeepi mma anga dda fu taki anga den pikin fu den fu seks. Den sani ya sa yeepi den pikin fu sabi san den mu du te sama wani du ogii anga den. Wantu fu den sani ya na:
6. Lesipeki i mma anga i dda
Wan fasi fa wan pikin sa soi taki ai lesipeki en mma anga en dda, a te ai taki anga den a wan lesipeki fasi. Pee a FELON, da i luku efii poi piki den akisi ya:
-
Saide ai tyai wini gi wan pikin te ai taki a wan lesipeki fasi anga en mma anga en dda?
-
Fa yonkuu wan sa soi taki den e lesipeki den mma anga den dda te den e taki anga den?
Leisi Odo 1:8, da i luku efii poi piki a akisi ya:
-
San yonkuu wan mu du te den mma anga den dda e poti den a pasi?
7. Dini Yehofa makandaa enke osufamii
Ala wiki den Yehofa Kotoigi e sutudeli Beibel makandaa enke osufamii. Den e kai a sani ya Osufamii Anbegi. San a wantu fasi fai sa holi a Osufamii Anbegi? Pee a FELON, da i luku efii poi piki den akisi ya.
-
San o yeepi osufamii fu holi a Osufamii Anbegi ala wiki?
-
Fa mma anga dda sa holi a Osufamii Anbegi a wan fasi di o meke ala sama piisii?—Luku a fowtow na a bigin fu a pisi ya.
-
San sa meke a taanga gi u fu holi a Osufamii Anbegi ala wiki?
Yehofa be wani den Islayelisama taki fu a Wowtu fi en makandii enke osufamii. Leisi Deitolonomi 6:6, 7, da i luku efii poi piki a akisi ya:
-
Fai sa du a sani di sikiifi aini a tekisi ya?
Wantu sani di i sa du te ye holi a Osufamii Anbegi:
-
Seeka gi komakandaa.
-
Leisi efuso taki fu wan toli aini Beibel di a osufamii fii o lobi.
-
Efi yu abi yonkuu pikin, da i sa download efuso print wan fu den sani di i sa du makandaa anga yonkuu pikin di de a jw.org.
-
Efu den pikin fii moo bigi, i sa taki fu wan fu den artikel di e taki fu yonkuuwan di de a jw.org.
-
I sa pee wan Beibel toli anga den.
-
I sa luku wan felon di de a jw.org, da i taki fi en.
SON SAMA E TAKI: ‘A Beibel taanga tumisi gi pikinnengee fu fusutan.’
-
Fai be o piki a sama ya?
SAI LELI?
Yehofa wani mma anga dda lobi den pikin fu den. A wani den kiya den pikin fu den bun tu. Boiti dati, a wani den kibii den pikin fu den fu ogii á miti den. A wani den pikin lesipeki den mma anga den dda, a wani den aliki den tu. A wani osufamii dini en makandaa.
Sai be o piki?
-
Fa mma anga dda sa kiya den pikin fu den? Fa den sa kibii den?
-
Fa pikin sa soi taki den e lesipeki den mma anga den dda?
-
Sowtu wini wo fende enke osufamii, efu we meke moiti fu holi a Osufamii Anbegi ala wiki?
MOO SANI FU A TOLI YA
Fai sa yeepi i pikin fu toon wan sama di o man tyai faantiwowtu?
‘Sigisi pelensipali sani di i mu leli i pikin’ (Ontwaakt! No. 2 2019)
Aini a artikel ya, yo si sowtu leli Beibel abi gi sama di e luku den mma anga dda fu den di kon gaandi.
A felon ya e soi fa wan man di á be sabi kiya pikin, toon wan bun dda.
A artikel ya o soi u san dda sa du fu toon mati anga den boi fu den.
‘San sa yeepi wan dda fu de bun anga en boi?’ (A Saanantongo Wakititolen fu 1 november 2011)
a Aini Beibel ‘pii ain’ wani taki ye gii pikin leli. Ye yeepi en fu kon abi bun manii anga fu tyai enseefi a wan bun fasi. Ma pii ain á wani taki ye du ogii anga i pikin. Aa wani taki ye gi en mankei te a meke wan fowtu.—Odo 4:1.
