TOLI 59

I poi holidoo te tesi e miti i

PEE

Tesi o miti ala Kelesten. Kande son sama o wani tapu u fu dini Yehofa. San o yeepi u fu holidoo te den sani ya e miti u?

1. Faw du sabi taki tesi o miti u?

Beibel taki: ‘Sama o du ogii anga ala den sama di e meke moiti fu dini Gadu fayafaya enke bakaman fu Kelestesi Yesesi’ (2 Timotiyesi 3:12). Yesesi á be e mumui anga a goontapu fu Saatan, neen meke sama be e libi ogii anga en. Useefi nai mumui anga a goontapu ya tu, neen meke son yuu den tiiman anga son keliki olikanisâsi e libi ogii anga u.—Yohanisi 15:18, 19.

2. Fai sa seeka fosi tesi miti i?

A nownow i mu meke moiti fu fitoow Yehofa anga i hii ati. I mu e begi Yehofa ala dei. I mu e leisi a Wowtu fi en. I mu e go a den komakandaa ala yuu tu. Den sani ya o yeepi i fu holidoo te tesi e miti i, winsi ai famii e libi ogii anga i. A omen tesi be e miti apostel Pawlesi, ma a be taki: ‘A Yehofa a mi yeepiman, mi naw feele.’—Hebrewsama 13:6.

Wan taa sani di o yeepi i fu holidoo te tesi e miti i, a te ye du a peleikiwooko ala yuu. Te we du a peleikiwooko, a sani ya e yeepi u fu fitoow Yehofa. Ai yeepi u fu wa feele sama tu (Odo 29:25). Efi ye du ala sai man fu du a peleikiwooko nownow, da winsi lanti tapu a wooko fu u, i naw feele fu peleiki.—1 Tesalonikasama 2:2.

3. Sowtu wini yo fende te yo holidoo winsi tesi e miti i?

A ná wan switi sani te tesi e miti i, ma te ye holidoo i biibi e kon moo taanga. Yu anga Yehofa e toon moo bun mati tu, bika ye kon si fa ai yeepi i te ye fii enke ya poi holidoo. (Leisi Yakowbesi 1:2-4.) Tyali e kisi Yehofa te a si fa we pina, ma ai piisii te a si fa we holidoo. Beibel taki: ‘Efu we holidoo te sama e pina u fu di we du bun, da Gadu o poolo anga u’ (1 Peitilisi 2:20). Yehofa o pai den sama di e holidoo. Aw gi den teego libi. A ten de sama naw tapu den fu dini en moo.—Mateyesi 24:13.

LUKU A TOLI YA MOO FINI

Wo si taki te tesi e miti u, u poi dini Yehofa. Wo si fa aw pai den sama di e holidoo te tesi e miti den.

4. I poi holidoo te i famii e tapu i fu dini Yehofa

Yesesi be sabi taki son famii fu u be o wani tapu u fu dini Yehofa. Leisi Mateyesi 10:34-36, da i luku efii poi piki a akisi ya:

Te wan sama wani dini Yehofa, da san den famii fi en sa taki efuso du?

Efii wani si fa wan baala anga wan sisa holidoo di sama be wani tapu den fu dini Yehofa, Pee a FELON, baka dati da i luku efii poi piki a akisi ya.

FELON: Yehofa solugu u (5:13)

Sai be o du efu wan mati efuso wan famii fii wani tapu i fu dini Yehofa?

Leisi Psalm 27:10 anga Malikisi 10:29, 30. Baka te i leisi wan fu den tekisi, da i luku efii poi piki a akisi ya:

Fa den sani di taki aini a tekisi ya o yeepi i te famii efuso mati wani tapu i fu dini Yehofa?

5. Tan dini Yehofa winsi tesi e miti i

Wi abi deki-ati fanowdu fu tan dini Yehofa te sama wani tapu u fu dini en. Pee a FELON, da i luku efii poi piki a akisi ya.

FELON: I mu abi deki-ati te sama wani tapu i fu dini Yehofa (6:27)

Fa den toli aini a felon e yeepi u fu abi deki-ati?

Leisi Toli fu den apostel 5:27-29 anga Hebrewsama 10:24, 25. Baka te i leisi wan fu den tekisi, da i luku efii poi piki a akisi ya:

Saide u mu tan dini Yehofa winsi lanti tapu a wooko aini a kondee pe we tan?

6. Yehofa o yeepi i fu holidoo

A omen sama di e dini Yehofa e holidoo winsi fa tesi e miti den. Efii wani si san yeepi den, pee a FELON, baka dati da i luku efii poi piki a akisi ya.