TOLI 60

Tan meke moiti fu go a fesi

PEE

A omen sani i leli fu Yehofa di i sutudeli Beibel. A sani ya yeepi i fu kon moo lobi en. Kande i paamisi en taki yo libi enke fa a wani, neen i dopu. Efi ya dopu ete, kande yu abi a pakisei fu dopu. Winsi i dopu kaba, toku i mu tan meke moiti fi yu anga Yehofa toon moo bun mati. Yu anga Yehofa sa de mati fu teego. San o yeepi i fu du a sani ya?

1. San o yeepi i fi yu anga Yehofa toon moo bun mati?

U mu meke moiti fu wi anga Yehofa toon moo bun mati. Saide? Bika efu wa luku bun, u sa ‘saka gwe saafisaafi’ (Hebrewsama 2:1). San o yeepi u fu tan dini Yehofa? U mu tan du a peleikiwooko fayafaya. U mu du ala san u poi fu du moo gi Yehofa tu. (Leisi Filipisama 3:16.) A moo bun sani di wan sama sa du anga en libi, a fu dini Yehofa!—Psalm 84:10.

2. San a den taa sani di i mu tan du?

Yo kaba sutudeli Beibel dyonson, ma a libi fi yu enke wan Kelesten e go doo. Beibel taki u mu ‘kengi u manii’ (Efeisesama 4:23, 24). Efi ye tan sutudeli Beibel, efi ye tan go a den komakandaa, da yo kon sabi Yehofa moo bun. Yo kon sabi den manii fi en tu. Tan meke moiti fu kon abi den manii fu Yehofa. Efii si taki i mu kengi i manii, ya mu daaidaai fu du a sani ya. Efi ye du den sani ya, da Yehofa o piisii anga i.

3. Fa Yehofa o yeepi i fu go a fesi?

Beibel taki: ‘Gadu o leli wi ala san u mu sabi. Aw meke u taampu gingin. Aw meke u kon taanga’ (1 Peitilisi 5:10). Son yuu we fii fu du sani di á bun. Ma Yehofa e yeepi u fu feti anga den fii ya (Psalm 139:23, 24). A paamisi u taki aw gi u kaakiti. Aw meke wi angii fu du sani di e meke a piisii.—Leisi Filipisama 2:13.

LUKU A TOLI YA MOO FINI

Wo luku fai sa tan go a fesi anga fa Yehofa o belesi i.

4. I mu e taki anga a moo bun Mati fii

Begi, anga a sutudeli di ye sutudeli Beibel yeepi i fu toon Yehofa mati nownow. Ma fa den sani ya sa yeepi i fi yu anga en toon moo bun mati?

Leisi Psalm 62:8, da i luku efii poi piki a akisi ya:

Fai sa begi moo bun fi yu anga Yehofa sa toon moo bun mati?

Leisi Psalm 1:2, da i luku efii poi piki a akisi ya:

Efii wani toon wan moo bun mati anga Yehofa, da sai mu du te ye leisi Beibel?

Fai mu e sutudeli Beibel efii wani toon moo bun mati anga Yehofa? Efii wani si fai sa du a sani ya, pee a FELON, da i luku efii poi piki den akisi ya.

FELON: Fai sa sutudeli Beibel anga iseefi? (5:22)

Sowtu wan fu den sani di kai aini a felon ya i wani du?
Sowtu toli i wani ondoosuku moo fini?

5. Meke moiti fu du moo gi Yehofa

Efi ye meke moiti fu du moo gi Yehofa, a sani de o yeepi i fii go a fesi. Pee a FELON, da i luku efii poi piki a akisi ya.

FELON: A moo bun libi (3:31)

Sowtu wini Cameron fende di a du moo gi Yehofa?

A ná ala sama poi foloisi go a wan taa kondee fu go yeepi anga a peleikiwooko. Ma ala u sa poti maiki di u sa doo. Leisi Odo 21:5, da i luku fai sa du moo . . .

aini a kemeente.
aini a peleikiwooko.

Fa a tekisi ya sa yeepi i fu doo den maiki di i poti?

Wantu sani di i sa du

Te ye begi taigi Yehofa san de a yu ati.
Leisi a hii Beibel.
Meke moiti fu sabi ala den sama aini a kemeente.
Suku fu abi wan Beibelsutudi.
Meke moiti fu toon wan yeepi pionili efuso wan kowownu-pionili.
Efi yu a wan baala meke moiti fu toon wan dinali aini a kemeente.

6. I sa piisii fu teego!

Leisi Psalm 22:26, da i luku efii poi piki a akisi ya:

Sai mu du fu man piisii nownow anga fu teego?

SAI LELI?

Tan meke moiti fi yu anga Yehofa toon moo bun mati. Meke moiti fu du moo gi en tu. Efii du a sani ya yo piisii fu teego!

Sai be o piki?

Saide i sa biibi taki Yehofa o yeepi i fii tan dini en?
Fai sa toon moo bun mati anga Yehofa?
Fa a moiti di ye meke fu du moo gi Yehofa, sa yeepi i fii go a fesi?

Puubei a sani ya

Leisi den buku: Kon koosube a Yehofa anga Kon toon wan bakaman fu mi aini wan yali. Den buku ya o yeepi i fu go a fesi. Den o yeepi i fu toon wan moo bun mati fu Yehofa anga en Manpikin Yesesi.