San i mu du fu moo fende wini te yu e sutudeli Beibel?
Leisi den sani di sikiifi ya, da i pee a FELON.
A FOSI PISI
Leisi den paragraaf, den akisi di sikiifi anga fatu letter (A) anga den Beibeltekisi (B). Den Beibeltekisi e soi san a den moo pelensipali sani aini a paragraaf. A sama di e sutudeli anga i, o leisi den tekisi anga i pe sikiifi ‘leisi’.
A MINDII PISI
A sani di sikiifi (C) a ondoo fu a pisi di den e kai Luku a toli ya moo fini, e soi san wo luku na a pisi ya. Den (D) penti di sikiifi anga fatu letter e soi den pelensipali sani di wo luku na a pisi ya. Leisi den tekisi, piki den akisi, luku den felon tu.
Te i doloki a den fokanti sani pe FELON sikiifi, da aw tyai i go na a felon. Son wan fu den felon a toli di pasa tuutuu. Ma taawan a ná toli di pasa tuutuu. Den meke den felon ya fu soi u san u sa du te son sani miti u.
Luku den fowtow anga den sani di sikiifi a den fowtow (E). Luku sai be o taki na a pisi di den e kai, Son sama e taki (F).
A LASITI PISI
Den pisi di den e kai Sai leli? anga Sai be o piki? (G) e yeepi i fu membee sai leli aini wan toli. Sikiifi a dei di i kaba luku wan toli. A pisi di den e kai Puubei a sani ya (H) e soi sai sa du. A pisi di den e kai Moo sani fu a toli ya (I) e soi wantu sani di i sa luku efuso leisi.
Den toli fu a buku ya
|
|
|
|
Fai sa fende den tekisi aini i Beibel?
A Beibel abi 66 pikin buku di miti kon a wan. A paati a tu pisi: A fosi pisi be sikiifi aini Hebrew anga Alameisitongo (sama e kai a pisi ya a ‘Gaandi Testamenti’). A taa pisi be sikiifi aini Giikitongo (sama e kai a pisi ya a ‘Nyun Testamenti’).
A fosi sani di yo si te ye suku wan tekisi, na a nen fu a Beibel buku (A), baka dati a kapitel (B), da a vers efuso den vers (C).
Meke u taki i mu leisi Yohanisi 17:3. Dati wani taki i mu suku a Beibel buku Yohanisi, kapitel 17, vers 3.
