A sama di á sabi leisi so bun den meke a Aliki Gadu bolosilo gi, fu yeepi den fu sabi den leli fu Beibel. Neen meke a bolosilo abi omen fowtow. Ala den pisi de a tu bladzijde. Den fowtow abi maiki di e yeepi a sama fu si sowtu fowtow a mu go, da ai fusutan a pisi de moo bun.

A Aliki Gadu da yu o libi fu tego bolosilo abi denseefi fowtow enke a Aliki Gadu bolosilo, ma moo sani sikiifi aini a Aliki Gadu da yu o libi fu tego bolosilo. Sama di sabi leisi pikinso sa sutudeli aini a Aliki Gadu da yu o libi fu tego bolosilo. Den peleikiman lobi wooko anga en te den e sutudeli anga wan sama aini a Aliki Gadu bolosilo. Son wan fu den bladzijde abi wan faki pe den sikiifi son sani di i sa leli a sutudi, efu a ná o ipi tumisi gi en.

I sa paati den tu bolosilo ya ala yuu, winsi a ná den u mu paati a mun de. Te yu e sutudeli anga wan sama, soi en den fowtow fu yeepi en fu fusutan den toli fu Beibel moo bun. Poti akisi gi en fu si fa ai denki, anga fu luku efu a fusutan san a leli. Leisi den tekisi di de te a ondoo fu a bladzijde, da i taki fu den. Te i kaba sutudeli a bolosilo ya, da i mu sutudeli a San Bijbel e leri wi trutru? buku efu a San Bijbel kan leri wi? buku anga en fu yeepi en fu dopu.