A LIBI FU WI ENKE KELESTEN
Fa fu du a peleikiwooko moo bun—Soi a Beibelsutudi fa a mu seeka
SAIDE A DE FANOWDU: Te wan Beibelsutudi seeka a fesi den e moo fusutan a sani di yu e leli den. Den e moo holi en a ede tu. A sani ya o yeepi den fu go a fesi gawgaw. Baka te den dopu seefi den o abi fu e seeka gi komakandaa anga a peleikiwooko. A sani de o yeepi den tu fu „de na ain” (Mat 25:13). Efu den sabi fa fu sutudeli neen den e sutudeli ala yuu, a o tyai wini gi den. Neen meke te u bigin sutudeli anga wan sama u mu yeepi en fu a abi a gwenti fu e seeka ala yuu.
FA U MU DU EN:
-
Meke a sama si fa i seeka gi a sutudi (Rom 2:21). Ala yuu te yu e seeka fu go sutudeli anga a sama i mu e holi en a pakisei (km 11/15 5). Meke a luku aini i buku fa i seeka
-
Te u bigin sutudeli bunbun, i mu soi a sama taki a mu e seeka, bika a wan pisi fu a sutudi tu. I mu soi en san a den wini di a o fende. Soi en on ten a sa seeka. Son peleikiman e gi a sutudi a buku fu den, da a sutudi e si fa a switi te i seeka. Gafa en te a seeka
-
Soi en fa a mu seeka. Te a sama bigin sutudeli, da son peleikiman e seeka wan hii kapitel anga en fu soi en fa a mu du en