„U mu de na ain”
Winsi anga den salufu Kelesten Yesesi be e taki di a be gi a ageisitoli fu den tin uman, tokuso ala Kelesten sa leli wan sani fu a toli ya (w15 3/15 9-12). „Neen meke u mu de na ain, bika wi á sabi a dei anga a yuu” (Mat 25:13). I sabi san a ageisitoli fu Yesesi wani taki?
-
A toowman (vers 1)—Yesesi
-
Den koni uman di be de seekaseeka (vers 2)—Den salufu Kelesten di de enke faya di e kiin peesi aini a goontapu. Den e tyai a faantiwowtu fu den a wan bun fasi tu (Fili 2:15)
-
Sama e bali taki: „A toowman e kon!”(vers 6)—Sani di be o soi taki Yesesi doo
-
Den don uman di á be didon anga man ete (vers. 8)—Den salafu Kelesten di e go fu miti a toowman, ma den á tan na ain. Den á tan dini Gadu tu
-
Den koni uman á be wani gi den taawan afu fu a oli fu den (vers. 9)—Baka te den salufu Kelesten kisi a kiiboi maiki den ná o poi yeepi nawan salufuwan di daai baka gi Gadu moo
-
„A toowman doo” (vers. 10)—Yesesi o kon fu kuutu sama fosi a gaan banowtu kaba
-
Den uman di be de seekaseeka go na a toowfesa anga a toowman, neen a doo tapu (vers. 10)—Yesesi o tyai ala den salufu Kelesten di tan holibaka gi en go a hemel. Ma den di daai baka gi en o lasi a gaandi ya