SAIDE A DE FANOWDU: Te u de a komakandaa wi abi a okasi fu „singi gi Yehofa” anga fu „gafa en” (Ps 149:1). Wi abi a okasi fu leli fa u mu du sani enke fa Yehofa wani tu (Ps 143:10). Te wan sama di lobi aliki efuso e sutudeli e kon a komakandaa, ai moo go a fesi.

FA U MU DU EN:

• Gi den wan pampila di wi e kai sama fu kon a komakandaa. Yu á mu wakiti te enke i bigin sutudeli Beibel anga den fosi.—Opb 22:17

• I mu taigi en a fesi fa den komakandaa e holi anga fu sowtu toli wi o taki na a taa komakandaa. Den sani di i sa koboloiki fu yeepi en, na a pampila di wi e kai sama fu kon a komakandaa, a felon di den e kai San e pasa aini wan Kownukondee zaal?, anga pisi 5 anga 7 fu A wani fu Yehofa-bolosilo

• Yeepi den. A abi wan sama fanowdu fu go teke en tyai kon a komakandaa? A abi yeepi fanowdu fu luku sowtu koosi a mu wei? Sidon neen se te a kon a komakandaa. Meke a luku anga i aini i buku. Tyai en go taki anga taa baala anga sisa