A website fu u abi artikel anga felon gi sama di wani sabi moo (Toli 13:48). Son yuu den e taki fu sani di kon a nyunsu efuso sani di sama e booko den ede anga den.

Fai sa wooko anga den sani di de a jw.org aini a peleikiwooko?

• I mu abi a gwenti fu e luku efu nyun sani kon a jw.org. Poti pakisei a den nyun sani ya, dai luku fai sa wooko anga den fu yeepi wan sama di wani sabi moo (Efii wani si wantu nyun sani di be kon a jw.org, dai sa doloki a pe sikiifi ‘Luku moo sani’). Efu ye meke moiti fu e sabi den nyun sani di e kon na a website fu u, yo fende nyun toli fu e taki anga den sama aini a peleikiwooko.

• Wooko anga den artikel anga felon di de a jw.org fu bigin wan takimakandaa. Den sani ya o yeepi u fu sabi fa den sama na a pisi pe we peleiki e denki.

• Soi sama den sani di de na a website fu u. I sa taki fu wan fu den pisi di de a ‘Luku sowtu toli i moo lobi’, dai soi a sama fa a sa suku sani na a website fu u.

• Sende link gi sama. Son sama nai wani taki anga u te we peleiki, ma den e wani go na a website fu u. Neen meke efu wan sama soi taki a wani sabi moo, wa mu daaidaai fu sende wan link gi en di e taki fu wan fu den artikel efuso felon fu u.