Mma anga dda di e dini Gadu wani den pikin fu den dini Yehofa anga den hii ati. Den sa yeepi den pikin fu du a sani ya te den e meke moiti fu a leli fu Yehofa doo den pikin ati (Deit 6:7; Odo 22:6). A sani ya makiliki? Nono! Ma efu den meke moiti den o fende wini.​—3Yoh 4.

Mma anga dda sa leli omen sani fu Yowsefu anga Maliya. Den be gwenti „go a Yelusalem ala yali na a Paskafesa”, ma a omen moiti den be mu meke fu man doo ape (Luk 2:41). A sani ya e soi taki den be e poti sani di be e taanga a biibi fu a osufamii a fesi. A letiso mma anga dda fu a ten ya sa yeepi den pikin fu den. Den sani di den e taki anga den sani di den e du mu soi taki den e poti a dini fu Yehofa a fesi. A so den pikin o man waka a den baka.​—Ps 127:3-5.

LUKU A FELON DI DEN E KAI DEN DU ALA SAN DEN POI, BAKA DATI DA I PIKI DEN AKISI YA:

• Fa Jon Schiller anga en uman Sharon poti a Kownukondee a fesi, winsi fa den be abi pikin?

• Saide meke mma anga dda á mu leli efuso kaasi ala den pikin fu den aseefi fasi?

• Fa mma anga dda sa yeepi den pikin fu den fu tan aliki Yehofa te tesi o miti den?

• Anga sowtu wan fu den sani di a olikanisâsi fu Yehofa meke, i be man yeepi i pikin fu toon Yehofa mati?