SAIDE A DE FANOWDU: Gaanse wookosani bun, ma den sa tyai ogii gi u tu. A letiso a de te wi e taki anga sama a internet. Son Kelesten nai taki anga taawan a internet. Taawan e taki anga den famii anga mati a internet. Ma Didibii wani u koboloiki internet a wan fasi di á bun. A sani ya sa poli u nen. A sa meke wi anga Yehofa poli tu. U sa wooko anga den leli fu Beibel tu, leti enke Yesesi. Den leli ya o yeepi u fu si anga san u mu luku bun te wi e taki anga taawan a internet.​—Luk 4:4, 8, 12.

SANI DI YU Á MU DU:

• De a internet langa tumisi. Te wi e taki anga taawan a internet efuso e luku sani a internet omen yuu langa, u ná o abi ten sai fu du sani di e taanga u biibi

  Beibeltekisi: Efe 5:15, 16; Fili 1:10

• Luku efuso leisi sani di á fiti. Te wi e luku felon efuso fowtow pe sama wei koosi pe den sikin de a doo, da a sani ya sa meke u kon abi a gwenti fu luku sekisi felon efuso go du huludu. Son sama di komoto a waaleiti e poti sani a internet fu poli Yehofa anga en olikanisâsi nen. Te wi e leisi den sowtu sani ya, u biibi e swaki.

  Beibeltekisi: Mat 5:28; Fili 4:8

• Taki sani efuso poti fowtow di á fiti. A ati e koli sama, neen meke wan sama sa sikiifi efuso poti fowtow a internet di á fiti. A sani ya sa poli en nen efuso swaki en biibi.

  Beibeltekisi: Rom 14:13; Efe 4:29

LUKU A FELON DI DEN E KAI KONIKONI TE YU E TAKI ANGA SAMA A INTERNET, BAKA DATI DA I TAKI SAN I SA DU FU DEN SANI DI YU E SI A DEN FOWTOW Á MITI I: