Yeepi makandaa fu pasa a kaba fu a goontapu ya
„Ala u a fu aseefi sikin.”—EFEISESAMA 4:25.
1, 2. Fa Gadu wani a foluku fi en mu dini en, winsi den yonkuu?
EFU yu a wan yonkuuwan, da yu á mu feegete taki iseefi de fanowdu aini a olikanisâsi fu Yehofa di de a hii goontapu. Aini omen kondee, gaanse fu den sama di e dopu a yonkuusama. A wan moi sani fu si taki somen yonkuuwan wani dini Yehofa!
2 Te i yonkuu, da kande i lobi mosoo anga den supee fi i. Ala sama lobi te den de makandii anga den mati fu den. Yehofa wani u dini en makandaa anga den baala anga sisa fu u. A wani ala den diniman fi en libi na a wan, a ná abi toobi o gaandi efuso o yonkuu den de. A apostel Pawlesi be sikiifi taki, Gadu wani taki „ala sowtu sama mu kon fii”. A wani den „kon sabi a waaleiti soifili” tu (1 Timotiyesi 2:3, 4). Openbaring 7:9 e taki, den sama di e dini Gadu na sama fu „ala sowtu nasi, lo, foluku anga tongo”.
3, 4. (a) Fa somen yonkuuwan fu a ten ya e tyai denseefi? (b) San Pawlesi taki fu a kemeente aini Efeisesama 4:25?
3 Te i luku den yonkuuwan di e dini Yehofa anga den yonkuuwan di nái dini en, da yu e si kiin taki den libi kengi. Somen fu den yonkuuwan di nái dini Yehofa e denki denseefi namo anga san den abi fanowdu. Ondoosukuman kon si taki den yonkuuwan fu a ten ya nái booko den ede seefiseefi anga taawan. A fasi fa den e taki anga den koosi di den e wei e soi kiin taki den ná abi lesipeki gi taawan, moo moo gaan sama.
Fu di wi e doo a kaba fu a goontapu fu Saatan, meke a de moo taanga fanowdu fu libi na a wan
4 Na ala se fu goontapu sama e denki denseefi namo. Neen meke a ná pikin moiti sama di e dini Yehofa mu meke fu den á go aini den libi de. Pawlesi be wasikow den fosi Kelesten fu luku bun anga den sowtu libi ya. A be e kai a sowtu libi ya ’a denki di de aini den sama di e taangayesi Gadu.’ (Leisi Efeisesama 2:1-3.) A wan piisii sani fu si taki den yonkuuwan aini a kemeente de taa fasi. Den wani dini Yehofa makandii anga den baala anga sisa fu den. Den e fusutan taki a kemeente de enke ala den pisi fu wan libisama sikin di e wooko makandii. A leti enke fa Pawlesi be sikiifi taki „ala u a fu a seefi sikin” (Efeisesama 4:25). Fu di wi e doo a kaba fu a goontapu fu Saatan, meke a de moo taanga fanowdu fu libi na a wan. Den toli fu Beibel di wi o luku nownow o yeepi u fu si fu saide u mu yeepi makandii efuso libi na a wan.
DEN Á GWE FIKA MAKANDAA
5, 6. San wi e leli fu Lot anga den tu umanpikin fi en?
5 A foluku fu Yehofa be holidoo di ogii be e miti den aini den ten di pasa. Te den be e libi na a wan, e yeepi makandii, da Yehofa be e kibii den. Ala u sa leli wan sani fu den toli fu Beibel, winsi u gaandi efuso yonkuu. Meke u go luku san be pasa anga Lot.
6 Ogii be de fu miti Lot anga en osufamii. Yehofa be o poli Sodom, a foto pe den be e tan. A be sende engel fu wasikow Lot taki a be mu gwe fika a foto go tan a den mongo. Den engel be taigi en taki: „Lon efu u wani tan a libi!” (Genesesi 19:12-22) Lot anga den tu umanpikin fi en aliki. Ma taa sama fi en famii ná aliki. Di Lot taigi den man di be abi mofu fu toow anga den umanpikin fi en fu komoto aini a foto, neen den si en enke wan gaandi dda di „be e holi den a sipowtu”. Den á be e si enke a tuutuu sani ai taki, neen meke den dede di Yehofa poli a foto (Genesesi 19:14). A Lot anga den tu umanpikin fi en namo tan a libi fu di den be aliki anga fu di den be tan a makandii.
7. Fa Yehofa be yeepi den sama di tan a makandii di den gwe fika Egeptekondee?
7 U sa leli wan sani tu fu den Islayelisama di be komoto a Egeptekondee. Den á be naki paati da ala man Ekisodesi 14:21, 22, 29, 30). Taa nasi sama seefi be wani dini Yehofa, neen meke den gwe fika Egeptekondee makandii anga den Islayelisama. A hii foluku tan a makandii (Ekisodesi 12:38). A be o de wan don sani efu kande wan pikin guupu yonkuuwan be naki teke wan taa se. Yehofa á be o kibii den sama di be o go a wan taa se.—1 Korentesama 10:1.
teke en se fu go na a Paamisi Kondee. Ma den be tan a makandii enke wan guupu. Di Yehofa be paati a wataa fu a Lebi se, a ná Mosesi anga wantu Islayelisama namo waka pasa aini. Ma na a hii foluku. Neen meke Yehofa kibii den (8. Fa a hii foluku fu Gadu be soi taki den be e wooko makandii aini a ten fu Kownu Yowsafat?
8 Na a ten fu Kownu Yowsafat da wan gaan taanga foluku be kon fu feti anga a foluku fu Yehofa (2 Koloniki 20:1, 2). San den Islayelisama du di a foluku ya be lontu den poti a dyali? Den be e biibi taki a Yehofa o yeepi den, neen meke den begi en fu a soi den san den mu du. (Leisi 2 Koloniki 20:3, 4.) Ibii Islayelisama á be go suku fu losi a polobelema neen fasi. Ma den be bonduu kon a makandii enke wan man. A Beibel e taki: „Ala den sama fu Yuda be taampu a Yehofa fesi. Den uman anga den pikin be de ape tu, te doo den fini pikin seefi” (2 Koloniki 20:13). A hii foluku, gaandiwan anga yonkuuwan be fitoow Yehofa, neen den du san a taki. Den be tan a makandii, neen Yehofa kibii den fu den feyanti fu den á du ogii anga den (2 Koloniki 20:20-27). A toli ya e soi u fa a hii foluku fu Gadu sa pasa den tesi di e miti den te den de makandii.
9. San wi e leli fu den Kelesten aini a ten fu den apostel?
9 Ala den Kelesten aini a ten fu den apostel be e wooko makandii. Den Dyu anga den sama di be teke a Dyu biibi be e wooko anga den leli fu den apostel. Den be e du sani makandii. Den be e nyan makandii, den be e begi makandii tu (Toli 2:42). Te sama be e du ogii anga den Kelesten den be e tan holibaka gi makandaa. Na a ten de den be abi makandaa moo taanga fanowdu (Toli 4:23, 24). Efu sama e du ogii anga u aini a ten ya, da a leti so u mu tan holibaka gi makandaa tu.
U MU E HOLIBAKA GI MAKANDAA FOSI A DEI FU YEHOFA DOO
10. On ten wi o abi fu holibaka gi makandaa moo inii wan ten a fesi?
10 A ná o teke langa moo fosi libisama o miti a moo muliki ten di be sa miti den a goontapu. A polofeiti Yoweli be taki, a dei ya o de enke „wan dunguu dei” (Yoweli 2:1, 2; Sefanya 1:14). A ten de a foluku fu Yehofa o abi fu holibaka gi makandaa moo iniiwan ten a fesi. Membee san Yesesi be taki: „Efu wooko makandii á de aini wan kownukondee, a o booko.”—Mateyesi 12:25.
11. San a foluku fu Gadu e leli aini Psalm 122:3, 4 fu a fasi fa u mu holibaka gi makandaa? (Luku a fowtow na a bigin.)
11 O taanga a o de fanowdu fu holibaka gi makandaa? Te u luku a fasi fa sama be e meke den osu fosi aini Yelusalem da wi e si fa u mu holibaka gi makandaa. Den be e meke den osu fu den miti miti. Neen meke a psalm sikiifiman be taki fu a foto ya taki den osu be „miti na a wan”. Den Psalm 122:3, 4.) Neen meke a de taanga fanowdu taki nownow anga a ten di e kon u mu meke moiti fu toon wan.
sama á be e feele, bika den be e tan koosube fu denseefi. Neen meke a be makiliki gi den fu yeepi makandaa. A be makiliki gi den fu kibii makandii tu. A kan taki a fasi fa den osu be meke miti miti be e membee a psalm sikiifiman na a fasi fa ala den lo fu Islayeli be e kon a makandii fu dini Yehofa. (LeisiYehofa wani ala den diniman fi en a hemel anga goontapu dini en enke wan famii
12. San o yeepi u fu tan a libi te Gok o kon feti anga a foluku fu Yehofa?
12 Saide meke a o de taanga fanowdu fu holibaka gi makandaa aini a ten di e kon? Eseikiyeli kapitel 38 be taki a fesi taki „Gok fu a kondee Magok” o go feti anga a foluku fu Yehofa. Wi á mu meke sama meke u naki paati a ten de. Efu u denki taki a goontapu fu Saatan o yeepi u, da wi e koli useefi. Pe fu u go suku yeepi na a goontapu fu Saatan, a tan u mu tan koosube a u baala anga sisa. Ma a ná fu di wi o tan a makandaa da dati wani taki wi o tan a libi. Ibiiwan fu u o abi fu fitoow Yehofa, da u du san a taki. A te u du den sani de fosi da Yehofa anga Yesesi o kibii wi fu tyai wi go aini a nyun goontapu (Yoweli 2:32; Mateyesi 28:20). Ma wi o abi fu tan makandii anga a foluku fu Gadu tu. I denki taki Yehofa o kibii den sama di ná o wooko makandaa anga a foluku fi en na a ten de?—Mika 2:12.
13. San yonkuuwan sa leli fu den sani di u taki?
13 Efu yu a wan yonkuuwan, yu e si fu saide a de taanga fanowdu fu tan koosube fi i baala anga sisa? A ná anga den supee fi i namo i mu e mosoo. Yu á mu de wan sama di nái mumui anga taawan. Dyonson moo ala u fiya, gaandi wan anga yonkuuwan o abi makandaa taanga fanowdu moo iniiwan ten a fesi. Meke moiti fu yu anga den baala anga sisa fi i toon moo bun mati. Si en enke wan piisii sani fu dini Yehofa makandaa anga den tu. A tan di wi o tan makandaa anga den baala anga sisa fu wi o kibii wi aini a ten di kon!
„ALA U A FU ASEEFI SIKIN”
14, 15. (a) Saide meke Yehofa e leli u fu libi na a wan? (b) Sowtu sani Yehofa e taigi u di o yeepi u fu libi na a wan?
14 Yehofa e yeepi u fu „dini en makandaa” anga u baala anga sisa (Sefanya 3:8, 9). Nownow kaba ai leli u fa u mu libi aini a ten di e kon, te „ala sani o kon makandaa baka a Kelestesi ondoo.” (Leisi Efeisesama 1:9, 10.) Yehofa wani ala den diniman fi en a hemel anga goontapu dini en enke wan famii. U sa abi a fitoow taki Yehofa o du a sani ya. Yonkuuwan, useefi sa de aini a famii de fu tego. Yu a wan sama di wani wooko makandii anga a olikanisâsi fu Yehofa?
15 Nownow kaba Yehofa e leli u fu libi na a wan. Neen meke te u de aini 1 Korentesama 12:25; Romesama 12:10; 1 Tesalonikasama 4:18; 5:11). Yehofa sabi taki a á makiliki gi u fu libi na a wan fu di wi a sondu sama. Neen meke ai taigi u fu „gi makandaa paadon” ala yuu.—Efeisesama 4:32.
a nyun goontapu a ná o taanga gi u fu libi bun anga makandii. Yehofa e leli u fu „booko wi ede anga ala” den baala anga sisa fu u anga fu „lobi makandaa enke fa baala e lobi makandaa”. Ai leli u tu fu „tan toosutu makandaa”, anga fu „gi makandaa taanga-sikin” (16, 17. (a) San a wan fu den sani di meke wi e kon a makandii? (b) San yonkuuwan sa leli fu Yesesi?
16 Wan taa fasi fa Yehofa e yeepi u fu wooko makandii, a den komakandaa di a sete gi wi. Hebrewsama 10:24, 25 e soi u taki wan fu den sani fu saide wi e kon a makandii, a fu gi makandaa taanga-sikin fu du bun. O moo a dei fu Yehofa e doo, o moo wi o abi den komakandaa fanowdu.
17 U sa waka a Yesesi baka aini a pisi toli ya. A be lobi kon a makandii anga a foluku fu Yehofa. Di a be abi 12 yali, neen a be go anga en mma anga en dda a wan gaan komakandaa na a tempel. Ma bakaten en mma anga en dda á be sabi pe a de. A pee a be go pee anga den supee fi en? Nono. A ten di en mma anga en dda fende en, a be de aini a tempel e taki anga den leliman fu a Wowtu fu Gadu.—Lukasi 2:45-47.
18. Fa a begi di wi e begi gi makandaa e yeepi u fu libi na a wan?
18 Wan sani di o yeepi u tu fu libi na a wan, a te wi e begi gi den baala anga sisa fu u. U sa akisi Yehofa fu yeepi den anga den polobelema fu den. Te wi e begi gi den baala anga sisa fu u, da a so wi e booko wi ede anga den. A de taanga fanowdu fu lobi u baala anga sisa, fu gi den taanga-sikin a komakandaa anga fu begi gi den. Yonkuuwan, u puubei du den sani ya kaba fu wi anga den baala anga sisa aini a kemeente sa toon moo bun mati? Efu u wani tan a libi
te a goontapu ya o poli, da u mu tan koosube a u baala anga sisa, wi á mu mumui anga a goontapu fu Saatan.Ala u sa begi gi u baala anga sisa (Luku paragraaf 18)
SOI TAKI „ALA U A FU ASEEFI SIKIN”
19-21. (a) Sowtu sani wi e du fu di wi „a fu aseefi sikin”? (b) San yu e leli fu a fasi fa den baala e yeepi makandii te wan gaan ogii pasa?
19 A omen fasi sama e si taki a hii foluku fu Yehofa aini a ten ya „a fu aseefi sikin” (Romesama 12:5). Te gaan ongooku pasa ape den baala anga sisa fu u de, da wi e fii gi den. Wi e wani du ala san u man fu yeepi den tu. Aini december fu a yali 2011, wan gaan daai winta tyai wataa kon di sungu Mindanao, wan peesi di de aini Filipeinikondee. Moo enke 40.000 osu sungu aini wan kodo neti. A omen osu fu den baala anga sisa fu u be sungu tu. A beikantoo fu a kondee de be sikiifi taki: „Fosi gaanlanti be seeka sani fu yeepi sama, da a omen baala anga sisa fu taa peesi be e sende sani kon di be de fanowdu.”
20 Sani be miti den baala anga sisa aini Yapankondee tu, di wan seke doti be meke a wataa fu a se wasi kon aini a kondee. Somen fu den be lasi ala den gudu fu den. Wan sisa di den e kai Yoshiko, be lasi en osu. A wan sani fu 40 kilomeiti i be e lei fi en osu fu doo a Kownukondee zaal. A sisa ya e taki: „U be foondoo di u yee taki aseefi dei baka a seke doti neen a kelen-owluman anga wan taa baala be kon suku u. A be bigi gi u fu si taki a kemeente du san a poi fu yeepi u anga den sani di wi abi fanowdu fu tan dini Yehofa. Den be tyai koosi, susu anga tasi kon gi u.” Wan baala fu a komte di e yeepi sama te den sowtu sani ya pasa e taki: „Baala fu ala se fu Yapankondee be e wooko makandii fu yeepi den baala anga sisa fu den. Taa baala be komoto te na Ameekankondee tu fu kon yeepi den. Di u akisi den saide den komoto so faawe fu kon yeepi u, neen den taki: ’Wi anga den baala fu Yapankondee na a wan. Den abi yeepi fanowdu.’” Ai bigi gi i taki i de aini a olikanisâsi ya pe sama lobi makandaa tuutuu? Pakisei fa Yehofa e piisii te ai si fa wi e wooko makandii.
21 Efu nownow kaba wi e leli fu fitoow makandaa, da wi o de seekaseeka te polobelema o miti wi aini a ten di e kon. Winsi u ná o yee sani moo fu den Kotoigi di de a taa kondee, u mu tan wooko makandii anga den Kotoigi di de aini a kondee fu u. Baka di wan gaan daai winta be wai aini Yapankondee, neen wan sisa di den e kai Fumiko taki: „A kaba á de faawe moo. U mu e tan yeepi makandaa te enke a ten doo pe ogii ná o miti u moo.”
22. Fa a wooko di wi e wooko makandaa o yeepi u aini a ten di e kon?
22 Du ala san i man nownow fu wooko makandaa anga den baala anga sisa fi i. Da a so yu o man de seekaseeka gi a dei fu Yehofa. Te a ogii goontapu ya o poli, da Yehofa o kibii a foluku fi en leti enke fa a be du kaba aini a ten di pasa (Yesaya 52:9, 10). A ná abi toobi efi i yonkuu efu gaandi, yu o abi fu tan wooko makandaa anga a foluku fu Yehofa efi i wani tan a libi. Aini a taa artikel, wi o taki fu saide u mu teke den gudu di Gadu u fu bigi.