Puubei fu abi sakafasi anga tyali-ati enke Yesesi
„Kelestesi be nyan pina gi u, a soi wi fa u sa waka neen baka.”—1 PEITILISI 2:21.
1. Saide meke wi o kon moo koosube a Yehofa te wi e puubei fu waka a Yesesi baka?
SON LEISI wi e wani waka a den sama di wi e lesipeki baka. Ma fu ala den sama di be libi a goontapu, a Yesesi na a moo bun sama di u sa waka neen baka. Fu saide? Yesesi be taki: „A sama di si mi, si a Tata tu” (Yohanisi 14:9). A be taki a sani ya fu di a abi denseefi manii fi en Dda. Neen meke wi o sabi den manii fu Yehofa efu wi e luku a fasi fa Yesesi be e libi. Te wi e puubei fu waka a Yesesi baka, da wi e kon moo koosube a Yehofa, a Moo Hei Masaa fu hemel anga goontapu. A sani de a wan gaandi di u mu teke fu bigi!
2, 3. (a) Fu saide Yehofa soi u finifini aini Beibel fa Yesesi be e tyai enseefi? San Yehofa wani u du? (b) San wi o luku aini a artikel ya, anga a taa artikel?
2 Aini Beibel, Yehofa e soi u finifini fa Yesesi be e tyai enseefi. Fu saide? Bika Yehofa wani u sabi en manpikin 1 Peitilisi 2:21.) Beibel e taki Yesesi soi wi fa u sa waka neen baka. Dati wani taki Yehofa wani u libi enke fa Yesesi be e libi. A tuu taki u ná o poi du ala sani pilisisi enke Yesesi, bika Yesesi á be abi sondu. Ma tokuso Yehofa wani u du ala san u poi fu waka a Yesesi baka.
fu u sa waka neen baka. (Leisi3 Meke u go luku wantu fu den bun manii fu Yesesi. Aini a artikel ya, wi o taki fa a be abi sakafasi. Wi o taki tu fa a be abi tyali-ati anga taawan. Aini a taa artikel, wi o taki fa a be abi deki-ati anga koni. Te wi o taki fu den manii fu Yesesi, da wi o puubei fu piki den dii akisi ya: San a manii ya wani taki? Fa Yesesi be soi taki a abi a manii ya? Fa u sa waka a Yesesi baka?
YESESI ABI SAKAFASI
4. San a wani taki fu abi sakafasi?
4 San sakafasi wani taki? Somen sama di abi heimembee e si enke a wisiwasiman e abi sakafasi. Ma a so a de? Te i luku en bun, da wan sama mu abi deki-ati fu soi sakafasi. A á mu e feele. Wan sama di abi sakafasi nái fii enseefi (Filipisama 2:3). Wan buku di e taki fu den wowtu di de aini Beibel e taki: „Sakafasi a te wan sama sabi taki a lagi moo Gadu, a á poi maiki enseefi anga Gadu seefiseefi.” Efu wi abi sakafasi, da noiti wi o si enke u bun moo taawan (Romesama 12:3). A á makiliki gi libisama fu abi sakafasi, bika wi a sondu sama. Ma tokuso u sa leli fu abi sakafasi te wi e denki dipi fu a bigi di Yehofa bigi anga te wi e waka a Yesesi baka.
Efu wi abi sakafasi, da noiti wi o si enke u bun moo taawan
5, 6. (a) Sama den e kai Mikayeli? (b) Fa Mikayeli soi taki a be abi sakafasi?
5 Fa Yesesi be e soi sakafasi? Alaten Yesesi be abi sakafasi. A be soi a manii ya di a be de a hemel enke wan engel di abi makiti. A be soi en tu di a be de enke wan libisma di ná abi sondu a goontapu ya. Meke u go luku fa a be e soi a manii ya.
6 Den manii fi en. Aini a Beibel buku Yudasi, wi e leisi fu a libi fu Yesesi fosi a be kon a goontapu. (Leisi Yudasi 9.) Wan taa nen fu Yesesi a Mikayeli. Neen na a edeman fu den engel fu Yehofa. Di a be de a hemel, a „be sitee anga Didibii fu a dedesikin fu Mosesi”. Di Mosesi be dede, neen Yehofa beli en a wan peesi pe nawan sama á be poi fende en (Deitolonomi 34:5, 6). Kande Saatan Didibii be wani den Islayelisama dini a sikin fu Mosesi. Winsi san Saatan be abi a pakisei fu du, Yesesi soi deki-ati fu di a tapu pasi gi en. Toku Yesesi á be kuutu Didibii, bika a be sabi taki a Yehofa wawan, a Moo Hei kuutuman, abi a faantiwowtu fu kuutu en. Dati e soi taki Yesesi be abi sakafasi tuutuu!
Ala yuu Yesesi be e du san Yehofa taigi en. Te enke a dei di a be mu „dede” seefi a be aliki Yehofa
7. Fa Yesesi be soi taki a abi sakafasi aini en taki anga en du?
Malikisi 10:17, 18; Yohanisi 7:16). Noiti Yesesi be e taki sani fu wisiwasi den apostel fi en efuso fu meke den kisi a fii taki den á bun. Ma a be e lesipeki den. A be e soi taki ai fitoow den fu di a be e gafa den fu den bun fasi di den be abi (Lukasi 22:31, 32; Yohanisi 1:47). A fasi fa a be e du sani. Yesesi á be e libi bigi libi (Mateyesi 8:20). A á be e si en fu wan gaan sani fu du wooko di taawan be e si enke wisiwasi wooko (Yohanisi 13:3-15). Yesesi be abi sakafasi fu di a be e aliki Gadu ala yuu. (Leisi Filipisama 2:5-8.) Den sama di abi heimembee á lobi te sama e taigi den san den mu du. Ma Yesesi á be de so. Ala yuu a be e du san Yehofa taigi en. Te enke a dei di a be mu „dede” seefi a be aliki Yehofa. Ala den toli ya e soi u kiin taki a manpikin fu gadu be abi tuutuu „sakafasi”.—Mateyesi 11:29.
7 Di Yesesi be de a goontapu, da den sani di a be e taki anga den sani di a be e du be e soi taki a abi sakafasi. A fasi fa a be e taki. Yesesi á be wani sama poti pakisei neen te a á be de fanowdu. Ma a be wani sama poti pakisei neen Dda (PUUBEI FU ABI SAKAFASI ENKE YESESI
8, 9. Fa u sa soi taki wi abi sakafasi?
8 Fa u soi sakafasi enke Yesesi? U manii. Te wi abi sakafasi, da wi o fusutan taki a ná wi abi a faantiwowtu fu kuutu taawan. Neen meke u ná o go e kuutu taawan tu. U ná o taki omen sani fu den di á bun efuso denki ogii fu den (Lukasi 6:37; Yakowbesi 4:12). Te wi abi sakafasi da noiti wi o si enke a wi „na a moo bun sama di de”. Dati wani taki noiti wi o si enke u bun moo den sama di á koni enke wi efuso di ná abi denseefi gaandi di wi abi (Peleikiman 7:16). Owluman di abi sakafasi nái si enke den bun moo den baala anga den sisa fu den. Ma den sikapuman ya di abi lobi e si taawan moo pelensipali efuso hei moo denseefi.—Filipisama 2:3; Lukasi 9:48.
9 Luku a toli fu W. J. Thorn, wan baala di be bigin du a kelen-owluman wooko aini a yali 1894. Baka omen yali, neen den gi en a wooko fu kweki foo a pe den baala be e paandi anga kweki meti aini Ameekankondee. Te Baala Thorn be e kisi a fii enke den sowtu wooko de ná fi en, a be e taigi enseefi taki: „I pikin koko doti yu. San meke i si enke i bun moo taawan?” (Leisi Yesaya 40:12-15.) Dati a tuutuu sakafasi!
10. Fa u sa soi taki wi abi sakafasi aini u taki anga u du?
10 A fasi fa wi e taki. Efu wi abi sakafasi tuutuu, da a o de fu si na a fasi fa wi e taki anga taawan (Lukasi ). Te wi anga taa sama e taki, u ná o go e taki naamo fu den gaandi di wi abi efuso e gafa useefi ( 6:45Odo 27:2). Ma wi o gafa den baala anga sisa fu u fu den bun fasi di den abi anga den sani di den poi du (Odo 15:23). Den sani di wi e du. Kelesten di abi sakafasi nái suku fu abi balinen aini a goontapu ya. Fu di den wani du ala san den man fu dini Yehofa, meke den nái libi bigi. Den e du wooko seefi di taawan e si enke lawlaw wooko (1 Timotiyesi 6:6, 8). Ma a moo pelensipali fasi fa u sa soi taki wi abi sakafasi, a te wi e aliki san Yehofa e taki. U mu abi sakafasi fu „aliki den sama di e teke fesi” aini a kemeente. Sakafasi o yeepi u tu fu wooko anga den leli di wi e kisi fu a olikanisâsi fu Yehofa.—Hebrewsama 13:17.
YESESI ABI TYALI-ATI ANGA TAAWAN
11. San tyali-ati wani taki?
11 San tyali-ati wani taki? Tyali-ati a wan fasi fa wan sama e soi taki a lobi taawan. A wani taki tu taki wan sama e fii gi taawan (Lukasi 1:78; 2 Korentesama 1:3; Filipisama 1:8). Wan buku di e taki fu den wowtu di de aini Beibel taki tyali-ati a ná a fii di sama e fii gi taawan namo. Ma a sama e du wan sani tu fu yeepi a taawan anga a booko-ede fi en. Tyali-ati a wan manii di e gi wan sama taanga-sikin fu yeepi taawan fu kengi den libi.
12. Fa u du sabi taki Yesesi be abi tyali-ati anga taawan? San a be e du fu di a be e fii gi sama?
12 Fa Yesesi be e soi taki a abi tyali-ati anga taawan? A fasi fa a be e fii gi taawan anga den sani di a be e du. Di Yesesi be si taki en mati di den e kai Maliya anga wantu taa sama be e kee fu di Lasalesi be dede, neen enseefi bigin kee tu. (Leisi Yohanisi 11:32-35.) Na fu di tyali be e kisi en gi a uman di en man be dede, meke a weki a boi fi en kon a libi baka. Na aseefi fii ya be meke a weki Lasalesi kon a libi baka tu (Lukasi 7:11-15; Yohanisi 11:38-44). A weki di Yesesi be weki Lasalesi kon a libi baka, be meke taki Lasalesi be abi a okasi now fu go libi a hemel. Fosi a sani ya pasa, da „tyali” be e kisi Yesesi gi tyaipi sama di be kon neen. Na a tyali-ati di a be abi anga den sama ya meke a „leli den somen sani” (Malikisi 6:34). A fu den sani ya ede meke den sama di Yesesi be e gi leli be e kengi den libi. Te tyali be e kisi Yesesi, da a ná fii namo a be e fii gi taawan. A be e du sani tu fu yeepi den sama di be abi yeepi fanowdu.—Mateyesi 15:32-38; 20:29-34; Malikisi 1:40-42.
13. Fa Yesesi be e taki anga taawan? (Luku a fowtow na a bigin.)
13 Den sani di a be e taki. Yesesi be e taki a wan switifasi anga taawan fu di a be e fii gi den. Moomoo den sama di taawan be e pina. A apostel Mateyesi be taki denseefi sani di Yesaya be sikiifi fu Yesesi. Yesaya be taki: „A ná o masi wan kamaluwa di booko. A ná o kii wan faya di e dede” (Yesaya 42:3; Mateyesi 12:20). San a sani ya wani taki? Yesesi á be e pina sama efuso du ogii anga den. Ma a fasi fa a be e taki be e meke sama fii bun. A bun nyunsu di a be e paati, be e gi den „sama di booko-saka” howpu (Yesaya 61:1). A be e kai sama di „e wooko taanga anga den sama di e tyotyo” fu kon neen fu „fende kaakiti baka” (Mateyesi 11:28-30). A be taigi den disipel fi en taki Gadu e booko en ede anga ala den diniman fi en, winsi fa a goontapu be e si den enke wisiwasiman.—Mateyesi 18:12-14; Lukasi 12:6, 7.
PUUBEI FU ABI TYALI-ATI ANGA TAAWAN ENKE YESESI
14. Fa u sa abi tyali-ati anga taawan?
14 Fa u sa abi tyali-ati anga taawan enke Yesesi? Den fii fu u. Beibel e gi u taanga-sikin fu abi „tyali-ati” anga taawan, winsi u ná abi a gwenti de. Ala Kelesten mu meke moiti fu abi den manii ya, bika a so wi o toon wan „nyun sama” di Yehofa lobi. (Leisi Kolosesama 3:9, 10, 12.) Fa i sa soi taki yu e fii gi taawan? Beibel e taki: „Opo wi ati moo” (2 Korentesama 6:11-13). Aliki bun te wan sama e taigi i san a den booko-ede fi en anga fa ai fii (Yakowbesi 1:19). Bakadati i mu akisi iseefi taki: ’Efu a mi a sani ya be e miti, fa mi be o fii? San mi be o wani taawan du gi mi?’—1 Peitilisi 3:8.
15. San u sa du fu yeepi den sama di e tyali efuso e pina?
15 Den sani di wi e du. Efu wi abi tyali-ati anga taawan, da wi o wani yeepi den. Moomoo den sama di e tyali efuso e pina. Fa u sa yeepi den? Romesama 12:15 e taki: „Kee anga den sama di e kee.” Son leisi a ná wani sama e wani u taigi den fa fu losi den polobelema fu den, ma a wani den wani u kee pina anga den. Den abi wan sama fanowdu di e booko en ede anga den, wan sama di e aliki den. Wan sisa di en umanpikin be dede e taki fa ai fii di den baala anga sisa be kon kee pina anga en. Ai taki: „A be e bigi gi mi te den mati fu mi be e kon kee makandaa anga mi.” Wan taa fasi fa u sa soi taki wi e fii gi sama, a te wi e du sani fu yeepi den. Son leisi a wan uman di lasi en man aini dede abi yeepi fanowdu fu seeka sani na a osu fi en. A kan tu taki wan gaandi Kelesten abi yeepi fanowdu fu doo a den komakandaa, fu go peleiki efuso fu go a dataa. Son leisi a den pikin pikin sani ya di wi e du gi taawan e bigi gi den (1 Yohanisi 3:17, 18). Ma a moo pelensipali fasi fa u sa soi taki wi abi tyali-ati anga taawan, a te wi e paati a bun nyunsu gi den. Dati na a moo bun fasi fa u sa yeepi bun-ati sama fu kengi den libi.
Yu e booko yu ede anga den baala anga sisa fi i? (Luku paragraaf 15)
16. San a den sani di u sa taki fu meke den sama di booko-saka kisi taanga-sikin?
16 Den sani di wi e taki. Efu wi e fii gi taawan, da wi o „taki a wan fasi di e toosutu den sama di booko-saka” (1 Tesalonikasama 5:14). San a wantu sani di u sa taki fu gi den taanga-sikin? Kande u sa taigi den taki wi e booko wi ede anga den. U sa gafa den fu den bun manii fu den anga den bun sani di den poi du. U sa yeepi den fu fusutan taki Yehofa e si den enke bunbun sama, bika neen tyai den kon a waaleiti (Yohanisi 6:44). U sa meke den fusutan tu taki Yehofa e booko en ede anga den sama di „booko-saka” efuso den sama di e „kusumi” (Psalm 34:18). Den sama di abi yeepi fanowdu o kisi taanga-sikin te wi e taki sani di e meke den fii bun.—Odo 16:24.
17, 18. (a) Fa Yehofa wani fu den owluman wooko anga den sikapu fi en? (b) Sowtu toli wi o luku aini a taa artikel?
17 Yehofa wani den owluman wooko a wan switifasi anga den sikapu fi en (Toli 20:28, 29). Efu yu a wan owluman, yu á mu feegete taki a yu abi a faantiwowtu fu leli den sikapu, fu gi den taanga-sikin anga fu meke den fii bun (Yesaya 32:1, 2; 1 Peitilisi 5:2-4). Neen meke wan owluman di abi tyali-ati anga taawan, ná o pee basi efuso pina den baala anga sisa fi en. A ná o poti omen sowtu weiti gi den efuso gi den a fii taki den nái wooko sai gi Yehofa. Ma wan owluman di abi tyali-ati anga taawan o meke den baala anga sisa fii bun. A abi a biibi taki a lobi di den lobi Yehofa o meke den du ala san den poi fu dini en.—Mateyesi 22:37.
18 Te wi e denki fu a fasi fa Yesesi be soi sakafasi anga a fasi fa a be e fii gi sama, da a sani de o gi u taanga-sikin fu waka neen baka. Aini a taa artikel, wi o luku fa u sa soi deki-ati anga koni enke Yesesi.