EFU i be o si den moin sedeebon fu Libanon, da wan oleifibon di bendi efuso koon ná o moin gi i. Ma wan oleifibon nái dede winsi fa a san e pii, efuso winsi fa alen e kai. Son wan fu den e libi doo 1000 yali. Fu di den lutu fi en beli dipi, meke a sa goo baka winsi den faa a mama bon towe. Solanga den lutu fi en á poli, a o goo baka.

Yopu, wan man di be e dini Yehofa, be e biibi taki winsi a dede, a o kon a libi baka (Yopu 14:13-15). A taki a libi fi en de enke du fu wan bon, bika a be wani soi taki Gadu poi weki en kon a libi baka. Yopu taki: „Wan bon seefi abi howpu. Winsi den koti en, a o goo baka.” A ná a toobi efu wan gaan dee ten kon, efu alen kai nati a tombo, a o goo baka. A o kisi „taka enke wan yonkuu bon”.​—Yopu 14:7-9.

Leti enke fa wan goonman e angii fu si fa a oleifibon di den faa goo baka, a letiso Yehofa e angii fu gi den diniman fi en anga taawan wan opobaka (Mateyesi 22:31, 32; Yohanisi 5:28, 29; Toli 24:15). Pakisei a piisii di wi o piisii te wi anga den sama di be dede o miti baka.