Pamela taki: ‘Te mi be e go a dataa, mi be e feele. Ma te mi be e begi Yehofa Gadu, mi be e kisi miseefi baka. Mi á be e feele so moo. Mi siki ete, ma toku begi e yeepi mi fu mi á booko-ede mi tumisi. Te sama akisi fa ai go anga mi, mi e taigi den taki: “Mi nai fii bun aini mi sikin, ma mi e piisii.”’

A ná te u siki wan gaan siki, efuso te wan bunbun sani miti u fosi u sa begi Gadu. Ala wi e abi booko-ede son leisi. Begi poi yeepi u te wi abi booko-ede?

Beibel taki: ‘Fiingi den lai fi i gi Yehofa, da enseefi o holibaka gi i. Noiti a o meke a sama di e libi enke fa a wani dyakata’ (Psalm 55:22). A sani ya nai meke i fii bun noh? Te yu e begi Gadu enke fa a wani, a o yeepi i fu pasa den sani di e miti i.​—Luku a faki ‘ Sowtu wini begi abi?’