Dyonson sama ná o buuse taawan moo
Winsi u nai buuse taawan moo, toku wi á poi tapu ala sama fu den á buuse taawan. Na ala se fu goontapu sama e du ogii anga sama di á du nawan sani anga den. Wan sama de di poi puu a buuse di sama e buuse taawan a hii goontapu?
A Yehofa Gadu wawan poi puu a buuse di sama e buuse taawan fu teego. A dati a paamisi wi aini en Wowtu Beibel.—Odo 20:22.
GADU O PUU ALA DEN SANI DI E MEKE SAMA E BUUSE TAAWAN
-
1. SAATAN DIDIBII. A Saatan meke sama e buuse denseefi. Neen meke Gadu o kii Saatan anga ala den sama di e buuse taawan.—Psalm 37:38; Romesama 16:20.
-
2. A OGII GOONTAPU FU SAATAN. Gadu o puu ala den sani fu a goontapu ya di e meke sama e buuse denseefi. Wantu fu den sani ya a den politikiman anga den kelikifesiman di e gi sama taanga-sikin fu buuse sama di á de na a se fu den. Gadu o puu ala den bisnisman fu a goontapu ya tu di nai du sani a wan letifasi.—2 Peitilisi 3:13.
-
3. SONDU. Beibel e leli u taki ala sama abi sondu. A sani ya e meke a taanga gi u fu du sani di e meke Gadu piisii (Romesama 5:12). Wan fu den sani di sondu e meke libisama du, na a buuse di den e buuse taawan. Te Gadu o puu sondu, sama ná o buuse taawan moo. —Yesaya 54:13.
GADU PAAMISI WI AINI BEIBEL TAKI DYONSON SAMA NÁ O BUUSE TAAWAN MOO
-
1. SAMA NÁ O LIBI OGII ANGA TAAWAN MOO. Di a Kownukondee fu Gadu o tii goontapu, sama ná o go e du ogii moo (Daniyeli 2:44). Sama ná o go e paati bee moo, den ná go e buuse sama fu taa nasi moo tu. Gadu o puu ala den takuu bakapisi fu den ogii di e miti sama nownow.—Lukasi 18:7.
-
2. FREIDE O DE NA ALA SE. Feti anga oloku ná o de moo (Psalm 46:9). Den sama di o de a goontapu a ten de o go e libi na a wan, neen meke feti ná o de moo.—Psalm 72:7.
-
3. ALA SAMA O LIBI FU TEEGO SONDEE BOOKO-EDE. Ala den sama di o de a goontapu a ten de, o lobi denseefi (Mateyesi 22:39). Nawan sama o go e kusumi. Den ná o go e pakisei den ogii di be miti den moo tu (Yesaya 65:17). Te sama ná o buuse taawan moo, ala sama ‘o piisii fu a libi, bika ala sani o waka bun’.—Psalm 37:11.
Yu á be o wani libi aini sowan goontapu noh? Nownow kaba Beibel e yeepi omen sama fu den á buuse taawan moo (Psalm 37:8). Den miliyunmiliyun Yehofa Kotoigi di de a hii goontapu, e meke moiti fu libi bun anga ala sama. Na ala sowtu nasi sama de aini a olikanisâsi ya, toku den e libi enke wan gaan famii fu di den lobi denseefi.—Yesaya 2:2-4.
Den Yehofa Kotoigi o piisii fu soi i san i sa du te sama e libi ogii anga i. Den sani di yu o leli, o yeepi i fi yu á buuse taawan moo. Den o yeepi i tu fu lobi ala sama. Yu o leli fa i sa libi bun anga ala sama, winsi son sama e buuse i. Te yu e du den sani ya, a libi o moo switi gi i, yu o moo abi bun mati tu. Ma a moo gaan wini di yu o fende, a taki yu o kon sabi san i mu du fu libi fu teego te a Kownukondee fu Gadu o puu a buuse di sama e buuse taawan.—Psalm 37:29.
You May Also Like
A WAKITITOLEN
San a Kownukondee fu Gadu o du?
Yesesi be sabi taki na a Kownukondee fu Gadu wawan o poi puu den polobelema fu libisama. San a Kownukondee ya du kaba?
