Gadu poi yeepi u fu wi á buuse taawan moo. A santa yeye fi en poi yeepi u fu kon abi manii di u be e denki taki wi á be o poi abi. Neen meke pe fu u fitoow useefi, a moo bun fu wooko anga den sani di Gadu e taigi u. Te wi e du sani na a fasi ya, da leti enke apostel Pawlesi, useefi o poi taki: ‘Mi poi du ala sani, bika na a sama di e gi kaakiti e yeepi mi’ (Filipisama 4:13). Wi o poi taki tu taki: ‘A Yehofa e yeepi mi.’​—Psalm 121:2.

Begi Yehofa, da yu akisi en fu a gi yu en santa yeye (Lukasi 11:13). Akisi en fu a yeepi i fu kon abi bun manii. Sutudeli toli aini Beibel di o gi i taanga-sikin fu lobi taawan anga fu libi bun anga den. Sutudeli toli tu di o yeepi i fu abi manii enke pasensi anga dwengi iseefi. Meke mati anga sama di abi den manii ya. Den sowtu mati ya ‘o gi i taanga-sikin fu soi lobi anga fu du bun wooko’.​—Hebrewsama 10:24.