NÁ BUUSE TAAWAN MOO
2 | Ná pai ogii fu ogii
Beibel e taki:
‘Wi á mu pai ogii fu ogii. . . . Du ala san i poi fu libi bun anga ala sama. Efu wan sama du wan ogii anga i, ná du en anga en baka, . . . bika Gadu buku taki: ‘A mi o puu atiboon a den tapu. A mi o pai den fu den ogii di den du’, a so Yehofa taki.’”—ROMESAMA 12:17-19.
San a tekisi ya e leli u:
Efu wan sama du wan sani anga i, a ná wan fowtu sani fi yu ati boon. Ma winsi yu ati boon, toku Gadu á wani i pai ogii fu ogii. Ai taigi u taki u mu abi pasensi, da u fika ala sani gi en, bika neenseefi o kuutu a toli.—Psalm 37:7, 10.
Fa i sa wooko anga a sani di a tekisi ya taki:
Te wi e pai ogii fu ogii, a sani ya o meke u moo buuse useefi. Neen meke efu wan sama du wan sani anga i, ná du en anga en baka. Meke moiti fu taki switi anga en. Son leisi a moo bun fu fika a taki (Odo 19:11). Ma son leisi a wan gaan ogii wan sama du anga i. San i sa du te a sani ya pasa? Efu a de fanowdu, i sa go a sikowtu gi a sama, efuso suku yeepi a lanti a wan taa fasi.
A iseefi yu e fooseli te yu e buuse taawan
Kande i si taki efi i go taki anga a sama, a sani o toon wan gaan takitaki. Efuso kande i suku ala fasi fu losi a polobelema sondee fi yu anga en kwali, ma toku yu á fende wini. San i mu du? Ná pai ogii fu ogii, bika a sani ya o meke a polobelema kon moo bigi. Te i nai pai ogii fu ogii, yu e soi taki i nai buuse taawan. Yu e yeepi taa sama tu fu den á buuse taawan. I mu e biibi taki a fasi fa Gadu wani u du sani na a moo bun wan. Beibel taki: ‘Biibi Yehofa, da a o yeepi i.’—Psalm 37:3-5.
You May Also Like
BEIBEL E KENGI SAMA LIBI
Mi be e feti fu sani go moo bun a goontapu
Rafika be go aini wan kulu fu feti gi a leti fu libisama. Ma di a sutudeli Beibel, a si taki Gadu Kownukondee o meke ala sama libi na a wan.
BEIBEL E KENGI SAMA LIBI
On ten lobi o de a hii goontapu?
Aa makiliki fu libi na a wan. Luku san yeepi wan Dyu anga wan sama fu Palestina fu libi na a wan.
