NÁ BUUSE TAAWAN MOO
1 | Yu á mu e paati bee
Beibel e taki:
‘Gadu á lobi wan sama moo a taawan. Ma winsi sowtu kondee wan sama komoto, efu ai lesipeki Gadu, efu ai libi a wan letifasi, Gadu o lobi en.’ —TOLI FU DEN APOSTEL 10:34, 35.
San a tekisi ya e leli u:
Yehofa * Gadu nai luku sowtu kololu i sikin abi, sowtu kondee i komoto, efuso fa i kiya. A san de aini wi ati pelensipali gi en. Beibel taki: ‘Libisama e wooko anga san den ain si, ma Yehofa e si san de a wan sama ati.’—1 Samuweli 16:7.
Fa i sa wooko anga a sani di a tekisi ya taki:
Winsi fa wi á poi si san de aini wan sama ati, toku wi e soi taki wi e du sani enke Gadu te u nai kuutu den sondee fu u sabi den. Yu á mu e si enke fu di wan kulu sama abi aseefi kololu, da den o abi denseefi manii. Efi i si taki yu e si sama fu taa nasi efuso kondee wan fasi, begi Gadu fu a yeepi i fi yu á fii so moo (Psalm 139:23, 24). Efi yu akisi Gadu fu a yeepi i fu si ala sama enke fa ai si den, a o piki a begi fi i.—1 Peitilisi 3:12.
^ paragraaf 6 Yehofa na a nen fu Gadu.—Psalm 83:18.
‘Noiti mi be denki taki mi anga wan wetiman be o sidon nyan diingi aini en osu wan dei. Nownow mi abi baala a hii goontapu di lobi denseefi.’—TITUS
