2 | Beibel e gi u taanga-sikin
BEIBEL TAKI: ‘Ala sani di sama be sikiifi a fositen, be sikiifi fu leli u wan sani. Den sani ya e yeepi u fu holidoo, den e meke u fende toosutu aini a Wowtu fu Gadu tu. Na a sani de o meke wi abi howpu.’—ROMESAMA 15:4.
San a sani ya wani taki?
Beibel abi moin tekisi di sa giw taanga-sikin fu holidoo te takuu pakisei e fooseli u. Den sani di sikiifi aini Beibel e meke wi abi a howpu taki dyonson den sani di e meke sama tyali naw de moo.
Fa Beibel tekisi sa yeepi i?
Ala wi e kusumi son yuu. Ma wan sama di abi kusumi siki e kusumi ala yuu. A siki ya e meke den e booko den ede pasa peesi. Son yuu na ala dei den e fii so. Fa Beibel sa yeepi den sama ya?
Beibel abi omen moin tekisi di sa yeepi u fu poti pakisei a bun sani (Filipisama 4:8). Den tekisi ya sa gii taanga-sikin. Te ye leisi den, den e meke i fii bun.—Psalm 94:18, 19.
Beibel sa yeepi i te ye fii enke ya bun.—Lukasi 12:6, 7.
A omen tekisi aini Beibel e soi u taki a naw wawan de. A Gadu di meke u e fusutan fa we fii.—Psalm 34:18; 1 Yohanisi 3:19, 20.
A sikiifi aini Beibel taki aini a ten di e kon, Gadu o yeepi u fu nai pakisei nawan sani di e meke u kusumi (Yesaya 65:17; Openbaring 21:4). Te ye booko yu ede, efuso te ye kusumi, holi a pakisei taki dyonson i naw membee nawan sani moo di e meke i fii so. Efii pakisei a sani de, aw yeepi i fu holidoo.
