3 | Fa den toli aini Beibel sa yeepi i
BEIBEL E TAKI FU . . . man anga uman di abi denseefi fii fu u.—YAKOWBESI 5:17.
San a sani ya wani taki?
Beibel abi omen toli fu sama di be abi denseefi fii fu u. Te we leisi den toli ya, da kande wo si taki son wan fu den be e fii leti enke wi.
Fa den toli aini Beibel sa yeepi i?
Ala wi abi wan sama fanowdu di e fusutan fa we fii, moomoo te wi abi kusumi siki. Te we leisi Beibel, da we leisi fu mannengee anga umansama di be e denki efuso fii enke u. A sani ya e yeepi u fu si taki sama de di be abi denseefi polobelema di wi abi. A sani ya o giw taanga-sikin te a siki fu wi e fooseli u.
A omen tekisi de aini Beibel fu sama di be e fii enke den naabi fa. Son wan fu den a bunbun fasi den be e kusumi. Kande sani be e moo yu te neen i taki: ‘Mia poi tyai a sani ya moo.’ A so Mosesi, Eliya anga David be e fii tu.—Numeri 11:14; 1 Kownu 19:4; Psalm 55:4.
Beibel e taki fu wan uman di den e kai Hana. Beibel taki a uman ya be e kusumi fu di aa be poi meke pikin. Hii dei a taa uman fu a man fi en be e soso en.—1 Samuweli 1:6, 10.
Beibel e taki fu wan taa man den e kai Yopu. Kande we fii enke a man ya son yuu. Winsi fa Yopu biibi be taanga, toku a bunbun fasi a be e kusumi. Wan leisi a taki: ‘A libi ya e moo mi. Moo betee mi dede.’—Yopu 7:16.
We fende taanga-sikin te we leisi toli fu sama di be e holidoo, winsi fa den be e fii enke den naabi fa. Den e yeepi u fu holidoo tu te a libi e moo wi.
