Wan sani dii mu du
Den sani di we du sa meke u piisii, ma den sa meke wa piisii tu. Yehofa sabi a sani ya. Neen meke a wani u libi enke fa a wani.
Yehofa wani u piisii fu a libi.
‘Mi a Yehofa, a mi ai Gadu. A mi na a sama di e leli i sai mu du fu sani waka i bun. A mi na a sama di e soi yu a pasi di i mu waka. Mi be sa wani wi aliki den weiti fu mi baa! Da a freide fu u be o de enke wan liba. A letidu fu u be o de enke den balon fu a se.’—Yesaya 48:17, 18.
A Gadu meke u, neen meke a sabi san na a moo bun fasi di u mu libi. A wani u du den sani di ai leli u, bika a sabi taki wo fende wini te u du san a taigi u. Te we du sani enke fa Gadu wani, aa de fu u booko wi ede anga fa sani o waka. Bika na ala yuu wo go e du sani anga koni. A sani ya o meke u piisii tuutuu.
Yehofa nai akisi u fu du sani di a sabi taki u naw poi du.
‘Den weiti di mi e gi u tide, á taanga tumisi fu holi. Den á de faawe fu u tu.’—Deitolonomi 30:11.
Efu we meke moiti fu libi enke fa Gadu wani, da wo kengi a fasi faw be e denki. Wo du sani taa fasi tu. Yehofa nai akisi u tyaipi sani. Fu di neen na a Sama di meke u, meke a sabi saw poi du. Te u kon sabi Yehofa, we kon si taki ‘den weiti fi en á de enke wan hebi’.—1 Yohanisi 5:3.
Yehofa taki aw yeepi den sama di e meke moiti fu libi enke fa a wani.
Bika mi Yehofa, i Gadu, holi yu ai leti-ana. A mi e taigi i taki: ‘Ná feele. Mi o yeepi i.’—Yesaya 41:13.
I poi libi enke fa Gadu wani, bika a taki aw yeepi i. Ai du a sani ya anga yeepi fu a Beibel. A Beibel e giw taanga-sikin. Ai giw howpu tu.
A omen miliyun sama a hii goontapu kon si taki di den wooko anga den leli fu Beibel, a sani ya kengi den libi. Neen meke, meke moiti fu kon sabi moo sani fu Beibel. I sa sutudeli a buku di den e kai I sa piisii fu teego! sondee fu pai. I sa fende en a jw.org. A buku ya e taki fu den dii toli ya:
-
Fa Beibel sa yeepi i fu abi wan moo bun libi?
-
Beibel taki sani o go bun aini a ten di e kon
-
I sa biibi den sani di sikiifi aini Beibel?
Efii sutudeli a Wowtu fu Gadu, yo si taki na ala yuu u sa wooko anga den sani di ai taki. ‘Na ala yuu u sa wooko anga den weiti fi en’ (Psalm 111:8). A moo bun fasi fai sa libi, a te ye wooko anga den leli fu Beibel. Ma Gadu nai dwengi i fu du sani enke fa a wani (Deitolonomi 30:19, 20; Yowsuwa 24:15). A yu seefi mu luku san yo du.
