San i be o piki?

• Eeye

• Nono

• Kande

San Beibel e taki fu a toli ya?

„I mu sabi taki aini den lasiti dei a libi o taanga” (2 Timotiyesi 3:1). Den Beibel polofeititoli anga den sani di e pasa aini a ten ya, e soi taki aini „den lasiti dei” wi e libi.

San Beibel e leli u moo fu a toli ya?

• Aini den lasiti dei sani enke feti, angii, seke doti anga siki di e kii omen sama, be o de na ala se.—Mateyesi 24:3, 7; Lukasi 21:11.

• Aini den lasiti dei sama be o tyai denseefi a wan fasi di á bun. Den á be o wani yee sani fu Gadu.—2 Timotiyesi 3:2-5.

Son sama e denki taki . . . na a kaba fu den lasiti dei a goontapu o poli, da ala sama o dede. Taawan e denki taki sani o go moo bun. Fa yu e si a toli ya?

San Beibel e taki fu a toli ya?

„Den sama di e libi a wan leti fasi o fende a goontapu, a den o tan neen fu teego.”—Psalm 37:29.

San Beibel e leli u moo fu a toli ya?

• Gadu o puu ala ogii na a kaba fu den lasiti dei.—1 Yohanisi 2:17.

• Goontapu o toon wan paladeisi. —Yesaya 35:1, 6.