Wan uman fu Ameekankondee den e kai Sally * lasi ala sani di wan gaan winta wai pasa na a pisi pe ai tan. A uman ya taki: „Mi be e fii enke mi á be o poi libi moo. Mi hii sikin booko.”

Wan fu den taa ogii di e miti u, a te wan sama di u lobi dede. Janice di e tan a Australiya taki: „Di den tu boi fu mi dede, mi be e fii enke mi libi be de enke wan gaasi sani di kai booko. Mi begi Gadu taki: ’Gadu, mi ati á poi tyai a sani ya moo! Mi wani siibi, da mi á weki moo.’”

Daniel dati be fii booko-saka te di en uman waka gi en. A taki: „Di mi uman taigi mi taki a waka gi mi, mi be fii enke wan sama sutu mi anga wan nefi a mi ati. A omen mun langa a du mi ogii a mi ati.”

A Wakititolen ya o soi saide yu á mu gi abaa winsi

• Wan gaan ogii pasa a pe yu e tan

• Wan sama di i lobi dede

• I man efuso yu uman waka gi i

• I siki wan gaan siki

• I hii libi buuya

Meke u go luku a fosiwan: San o yeepi u fu wi á gi abaa, te wan gaan ogii pasa a pe wi e tan?