„Meke i Kownukondee kon”—Wan begi di miliyunmiliyun sama e begi
I begi wan leisi kaba fu a Kownukondee fu Gadu kon? Den ondoo-ondoo yali di pasa, a omen miliyun sama begi fu Gadu Kownukondee kon. Saide den e begi fu a sani ya? Bika Yesesi be sende den bakaman fi en fu begi fu a Kownukondee kon.
Biginbigin den bakaman fu Yesesi á be e kaba fusutan ala den sani di a be e taki fu a Kownukondee. Wan leisi den akisi en taki: „Masaa, aini a ten ya yu o sete a kownukondee gi Islayeli baka?” Yesesi á be taigi den pilisisi on ten a Kownukondee be o kon. Kande den á be fusutan saide Yesesi á be taigi den on ten a Kownukondee be o kon (Toli fu den apostel 1:6, 7). A sani ya wani taki wi á poi sabi on ten a Kownukondee o kon? Nono.
A Wakititolen ya o yeepi i fu fende a piki fu den akisi ya:
Saide wi abi a Kownukondee fu Gadu fanowdu?
Sama na a Kownu fu Gadu Kownukondee?
On ten a Kownukondee fu Gadu o tii goontapu?
San a Kownukondee fu Gadu o du?
Saide a nownow i mu bigin holibaka gi a Kownukondee fu Gadu?
San na a Kownukondee fu Gadu?
You May Also Like
ESSENTIAL BIBLE TEACHINGS
San na a Kownukondee fu Gadu?
Di Yesesi be e paati a bun nyunsu, a be e taki fu Gadu Kownukondee moo iniiwan taa sani. A omen ondoo yali den bakaman fi en begi fu a Kownukondee ya kon.
