Sowtu howpu de gi den sama di dede?
Ala sama e fii den bakapisi fu dede. Ma dede na a kaba fu ala sani? Te wan sama dede, howpu de gi en ete?
LUKU SAN BEIBEL E TAKI FU A TOLI YA:
GADU Á FEEGETE DEN SAMA DI DEDE
„Ala den sama di de aini den geebi . . . o kon a doo.”—Yohanisi 5:28, 29.
Gadu á feegete den sama di dede, a o weki den baka.
DEN SAMA DI DEDE O WEKI BAKA FU LIBI A GOONTAPU YA
„Gadu o weki den dedesama baka, den sama di be libi a wan letifasi anga den sama di á be libi a wan letifasi.”—Toli 24:15.
Miliyunmiliyun sama o kon a libi baka. Den sama ya o abi a howpu fu libi fu teego aini wan goontapu pe ogii ná o de moo.
U SA BIIBI TAKI DEN SAMA FU U DI DEDE O WEKI BAKA
„[Gadu] teli den sitali. Ai kai ala den a den nen.”—Psalm 147:4.
Efu Gadu sabi ala den nen fu den sitali, da u sa biibi taki a o poi membee ala den sama di a o weki baka.
