Gadu gi libisama wan moin kado. A gi wi a gaandi fu taki anga en. U sa taigi en fa wi e fii te wi e begi. Polofeiti David be begi taki: ‘A yu na a sama di e aliki begi. A yu ala sowtu sama o kon suku yeepi’ (Psalm 65:2). Ma fa u mu begi efu u wani Gadu belesi u?

Te yu e begi, i mu taigi Gadu fa yu e fii tuutuu (Psalm 62:8). Ai bigi gi Gadu te wi e taigi en san de a wi ati.

Winsi fa sama e kai Gadu omen fasi, toku a abi wan nen. A sikiifi aini Beibel taki ‘mi a Yehofa, a so den e kai mi’ (Yesaya 42:8). A nen Yehofa sikiifi wan sani fu 7000 leisi aini Beibel. A omen polofeiti be e kai Gadu neen nen te den be e begi. Abalaham be taki: ‘Yehofa mi e begi i gaantangi, . . . meke mi taki [anga i baa]’ (Genesesi 18:30). Useefi mu e kai Yehofa nen tu te wi e begi.

Gadu e fusutan fa wi e fii anga san wi e pakisei, winsi sowtu tongo wi e taki. A sikiifi aini en Wowtu taki: ‘Gadu á lobi wan sama moo a taawan. Ma winsi sowtu kondee wan sama komoto, efu ai lesipeki Gadu, efu ai libi a wan letifasi, Gadu o lobi en.’​—Toli fu den apostel 10:34, 35.

A ná begi namo u mu e begi efu u wani Gadu belesi u, ma u mu du wantu taa sani tu. Wi o luku den sani ya aini a taa artikel.