I sa fende wini fu den sani di Gadu paamisi u
I wani libi aini wan goontapu pe feti anga toobi á de moo?
Fa i be o fii efu siki, pina anga dede á de moo?
Yu á be o wani libi sondee polobelema anga booko-ede noh?
I wani tan aini wan goontapu pe sani enke seke-doti anga gaan wataa nai du ogii anga sama moo?
A Gadu di meke a moin goontapu ya, lobi u. A paamisi u taki wi o libi fu teego a goontapu sondee booko-ede anga pina. A sani ya a ná wan anainsitoli.
Te yu e leisi A Wakititolen ya, yu o si wantu sani. Yu o si:
San Gadu du di e soi taki a lobi libisama
San Gadu e leli wi aini en Wowtu
San den sani di Gadu be taigi den polofeiti fi en e leli u fu Gadu
San u mu du fu u libi waka bun nownow, anga san u mu du fu fende wini fu den sani di Gadu paamisi wi aini a ten di e kon
Meke u luku fosi san Gadu du di e soi taki a lobi libisama.
