U mu lobi taawan
Ala libisama a famii, bika a Adan anga Efa a den gaansama fu u. Ala sama aini wan osufamii mu lobi denseefi, den mu e lesipeki denseefi tu. Wi e si taki a sani ya nai pasa aini a ten ya. Ma a ná so Gadu be wani sani waka.
SAN BEIBEL E TAKI FU LOBI?
‘U mu lobi taa sama enke fa u lobi useefi.’—LEFITIKESI 19:18.
‘U mu lobi u feyanti.’—MATEYESI 5:44.
SAN A WANI TAKI FU LOBI TAAWAN?
Luku san a Wowtu fu Gadu e taki a 1 Korentesama 13:4-7:
‘Lobi abi pasensi anga bun manii.’
Pakisei a sani ya: Fa yu e fii te taawan e pasensi anga i? Fa yu e fii te den e libi bun anga i? Fa yu e fii te den ati nai boon gaw te i meke wan fowtu?
‘Lobi nai dyalusu.’
Pakisei a sani ya: Fa yu e fii te taawan nai fitoow i? Fa yu e fii te taawan e dyalusu anga i?
’Lobi nai suku wini fi en wawan.’
Pakisei a sani ya: Fa yu e fii te taawan e lesipeki a fasi fa yu e denki anga te den nai dwengi i fu du san den wani namonamo?
’Lobi nai holi taawan na ati.’
Pakisei a sani ya: Gadu de kabakaba fu gi sama paadon te den soi taki a sani di den du e hati den. ‘A nai suku fowtu a wi naamo. A nai holi u na ati fu teego tu’ (Psalm 103:9). Ai bigi gi u te sama gi u paadon te u meke wan fowtu. Neen meke u mu de kabakaba fu gi taawan paadon tu te den meke wan fowtu.—Psalm 86:5.
‘Lobi nai piisii anga sani di á bun.’
Pakisei a sani ya: U nai fii bun te sama e poolo te ogii miti u. Neen meke wi á mu poolo te ogii miti taawan tu, winsi den be e libi ogii anga u.
Enke fa a pisi ya e soi, da efu u wani Gadu belesi u, u mu lobi ala sama. Winsi sowtu kondee den komoto, winsi omen yali den abi efuso winsi sowtu keliki den e go. Wan fasi fa u sa du a sani ya a te wi e yeepi sama di de a nowtu.
