A omen sama ná abi wan peesi fu tan, efuso sani fu nyan ala dei. Taawan ná abi nawan howpu gi a ten di e kon. Gadu o belesi u te wi e meke moiti fu yeepi den sama ya.

‘A sama di e du bun gi den pootiman e leni Yehofa sani. A o pai a sama de fu den bun di a du.’​—ODO 19:17.

Yesesi be gi wan ageisitoli fu wan man di fufuuman be fon te a fon, neen den fika en fu dede (Lukasi 10:29-37). Wan man be e pasa neen a saka go yeepi en winsi fa a á be sabi en. Den tu man ya a ná be fu aseefi nasi, toku a yeepi a taawan di a be de a nowtu.

A ná deesi namo a man ya deesi a man di be kisi mankei, ma a solugu taki a doo wan peesi pe a be sa kisi enseefi baka.

San a ageisitoli ya e leli u? Yesesi be wani soi u taki u mu du ala san u poi fu yeepi sama di de a nowtu (Odo 14:31). Beibel e leli u taki dyonson Gadu o puu pina anga booko-ede. Kande yu e akisi iseefi fa Gadu o du a sani ya. Wi o luku aini a taa artikel fa Gadu o belesi i.