Son sama e denki taki . . .

a libisama o feti booko a goontapu anga den kofaliki fetisani fu den. Taawan e denki a tyobo libisama o tyobo a goontapu te enke a poli. Fa yu e si a toli ya?

San Beibel e taki fu a toli ya?

Alimakedon a ná wan tuutuu peesi, ma na „a gaan feti di o feti na a dei fu Gadu di abi ala makiti”. Dati na a dei di a o feti anga den sama di e du ogii.​—Openbaring 16:14, 16.

San Beibel e leli u moo fu a toli ya?

• A ná a goontapu Gadu o poli na a Alimakedon, ma a den sama di e poli a goontapu a o kii.​—Openbaring 11:18.

• Gadu o meke feti kon a wan kaba na a Alimakedon.​—Psalm 46:8, 9.

San i be o piki?

• Eeye

• Nono

• Kande

San Beibel e taki fu a toli ya?

„Wan gaan kulu” sama fu ala nasi o pasa „a gaan banowtu”. Na a kaba fu a gaan banowtu Alimakedon o kon.​—Openbaring 7:9, 14.

San Beibel e leli u moo fu a toli ya?

• Gadu wani omen sama pasa Alimakedon libilibi. A di taa fasi á de meke a o kii den ogii sama.​—Eseikiyeli 18:32.

• Beibel e soi u san u mu du fu pasa Alimakedon.​—Sefaniya 2:3.