„Mi sabi taki a o kon a libi baka”
„U mati Lasalesi e siibi, ma mi o go anda go weki en.”—YOHANISI 11:11.
1. San Maata be sabi taki be o pasa anga en baala? (Luku a fowtow na a bigin.)
MAATA be de anga buduufu na ati. A uman ya a be wan bakaman anga wan mati fu Yesesi. En baala Lasalesi be dede. A be fende toosutu? Eeye. Yesesi paamisi en taki: „I baala o kon a libi baka.” Ma a sani di Yesesi taigi en, á puu ala a buduufu neen ati. Ma toku Maata biibi san Yesesi be paamisi en. A piki Yesesi taki: „Mi sabi taki a o kon a libi baka te a opobaka o de na a lasiti dei” (Yohanisi 11:20-24). A be e biibi taki dedesama be o weki baka aini a ten di e kon. Ma Yesesi du wan wonduu. A weki Lasalesi aseefi dei de.
2. Saide i wani i biibi taanga enke Maata?
2 U sabi taki aini a ten ya, Yesesi anga en Dda ná o weki den sama fu u di dede. Ma yu e biibi enke Maata taki den lobiwan fi i o weki baka aini a ten di e kon? Kande i man efuso yu uman dede. Kande ai mma efuso i dda,
i gaanmma efuso i gaandda. A kan tu taki a wan pikin fi i dede. Yu e angii fu baasa, fu taki efuso nyan anga a sama fi i baka. Wi e piisii taki u sa taki aseefi sani enke Maata: ’Mi sabi taki den sama fu mi o weki baka.’ Ma tokuso a bun fu ala Kelesten pakisei saide u sa biibi taki a sani ya o pasa tuutuu.3, 4. San Yesesi be du fosi Lasalesi dede? Fa den sani ya taanga Maata biibi?
3 A koosube fu Yelusalem Maata be e tan, neen meke kande a á be si fa Yesesi be weki a manpikin fu a uman di man be dede kaba. A uman ya be e tan koosube fu Nain, wan peesi a Galileya. Ma kande Maata be yee a taki. Kande a be yee taki Yesesi be weki a umanpikin fu Yairus tu. Ala den sama di be de na a meisyo ya osu ’be sabi taki a be dede’. Tokuso Yesesi holi a meisyo ana, neen a taki: „Meisyo, opo!” Faisi Yesesi kaba taki a so a meisyo weki (Lukasi 7:11-17; 8:41, 42, 49-55). Maata anga en sisa Maliya be sabi taki Yesesi poi deesi sama di siki. Neen meke den be e biibi taki efu Yesesi be de ape di Lasalesi be siki, a á be o dede. Ma san Maata be sabi taki be o pasa di Lasalesi dede? A be taki Lasalesi be o kon a libi baka aini a ten di e kon, „a lasiti dei”. Saide a be e biibi a sani ya? Saide u sa biibi taki den sama fu u di dede o weki baka aini a ten di e kon?
4 A omen sani e yeepi u fu biibi taki dedesama o weki baka. Wi o taki fu wantu fu den sani ya. Kande yu o leisi wantu sani aini a Wowtu fu Gadu di yu á be e poti pakisei. Ma den toli ya o yeepi i fu biibi taki aini a ten di e kon, den sama fi i di dede o weki baka.
WANTU TOLI DI E TAANGA U BIIBI!
5. Saide Maata be e biibi taki Lasalesi be o weki baka?
5 Maata á taki: ’Mi e howpu taki mi baala weki baka.’ A taki: „Mi sabi taki a o kon a libi baka.” Saide Maata be e biibi taki en baala be o weki baka? A fu di a be sabi taki dedesama be weki aini den ten di pasa. Kande en mma anga dda gi en den toli ya. A kan tu taki a yee den toli ya aini den keliki osu fu den Dyu. Wi o taki fu dii fu den toli ya. Den toli ya sikiifi aini Beibel.
6. Sowtu wonduu Maata be musu sabi?
6 A fosi leisi di dedesama weki baka, a di Gadu be gi a polofeiti Eliya kaakiti fu du wonduu. Na a Noord pisi fu Islayeli, wan foto be de pe den Fenisiyasama be e tan. Den be e kai a foto ya Sarfat. Di Eliya go na a foto ya wan pooti uman di man be dede kaba meke a tan neen osu. Neen Yehofa du wan wonduu. A be meke a bolon anga a fatu fu a uman ya á kaba. A so en anga a boi fi en be man tan a libi (1 Kownu 17:8-16). Bakaten a boi fi en siki, neen a dede. Ma Eliya yeepi en. A holi a boi, neen a begi Yehofa taki: „Gadu, gaantangi baa, meke a boi ya kon a libi baka.” Gadu aliki Eliya. A meke a pikin di be dede, weki baka. A disi na a fosi leisi di Beibel taki wan sama be dede, neen a weki baka. (Leisi 1 Kownu 17:17-24.) Maata be musu yee fu a wonduu ya.
7, 8. (a) Fa Elisa toosutu wan uman di be de anga buduufu na ati? (b) San a wonduu di Elisa du e leli u fu Yehofa?
2 Kownu 4:8-31.
7 Du fu tu leisi di Beibel taki wan dedesama weki baka, a Elisa be du a wonduu ya. Wan Islayeli uman be e tan a wan foto den e kai Sunem. A uman ya á be meke nawan pikin. A be libi bun anga Elisa, neen meke Yehofa be meke a meke wan manpikin anga a man fi en di be gaandi kaba. Ma baka wantu yali, neen a boi dede. Pakisei fa a uman ya fii di a boi fi en dede. A sani ya be du en ogii te, neen a waka 30 kilomeiti go a Elisa a Karmel-Mongo. Elisa sende en futuboi Gehasi go a Sunem fu a weki a boi baka. Ma Gehasi á be poi weki a boi ya. Bakaten Elisa anga a mma fu a boi doo Sunem.—Gadu soi u taki a poi weki dedesama
8 Elisa go aini a osu pe a boi be de, neen a begi. Yehofa du san Elisa akisi en. A du wan wonduu. A meke a boi di be dede kon a libi baka. Di a mma si taki a boi fi en weki baka, a poolo te ná sipowtu. (Leisi 2 Kownu 4:32-37.) Kande a pakisei den sani di Hana be taki di a be e begi. Hana á be poi meke pikin, ma Yehofa be meke a meke wan manpikin, Samuweli. Hana gafa Yehofa fu di a „man meke sama go a geebi. A man puu sama a geebi tu” (1 Samuweli 2:6). Di Yehofa weki a boi fu Sunem, a soi taki a poi weki dedesama.
9. San a du fu dii toli di sikiifi aini Beibel, di e taki fu sama di be dede neen a weki baka?
9 Wan taa gaan wonduu pasa baka di Elisa dede. A be de polofeiti 50 yali langa. Bakaten a „siki tokotoko” neen a dede. Baka wan hii pisiten, a den bon fi en wawan be de aini a geebi di den be beli en. Wan dei, neen wantu Islayelisama go beli wan man. Di den si den feyanti e kon, neen den meke moiti gawgaw fu gwe. Den buuya te, neen den iti a man di den be e go beli aini a geebi fu Elisa. Beibel taki: „Di a dede man tuka anga den bon fu Elisa, neen a man weki baka, neen a opo taampu” (2 Kownu 13:14, 20, 21). Den toli ya be taanga Maata biibi taki Gadu poi weki dedesama. Den toli ya o yeepi fu u biibi tu taki sani á de di Gadu á poi du.
SAMA DI BE WEKI BAKA AINI A TEN FU DEN APOSTEL
10. Fa Peitilisi yeepi wan Kelesten sisa di be dede?
10 Den Giiki buku fu Beibel e taki tu fa son sama di be e dini Yehofa be weki dedesama. U taki kaba fu a boi koosube fu a foto Nain anga a umanpikin fu Yairus, di Yesesi be weki baka. Bakaten, apostel Peitilisi be weki Dorkas, di den be e kai Tabita tu. Peitilisi go aini a kambaa pe a uman ya be de, a begi neen a taki: „Tabita opo!” Faisi Peitilisi kaba taki, a so Dorkas weki. Toli 9:36-42.
Neen Peitilisi kai den taa Kelesten di be de ape, fu soi den taki Dorkas weki baka. A sani ya be gi den taanga-sikin te „omen fu den sama di be yee a toli toon bakaman fu Masaa”. Denseefi be man paati a bun nyunsu fu Yesesi anga taa sama. Den be man taigi taawan tu taki Yehofa poi meke dedesama kon a libi baka.—11. San a dataa Lukasi be taki fu Etikesi? Fa den sama di si san be pasa be fii?
11 Ete wan sama be weki baka. A omen sama be luku duun fa a sani ya pasa. Wan leisi apostel Pawlesi be de a wan komakandaa a wan sodoo aini a foto Trowas. Nownow den e kai a peesi ya Tolukukondee. Pawlesi taki te enke mindii neti. Wan yonkuman den e kai Etikesi be sidon a wan fensee e aliki. Ma Etikesi siibi te, neen a kai komoto a du fu dii sodoo go a doti. Kande a Lukasi fosi doo na a yonkuman ya. Lukasi a be wan dataa, neen meke a be musu si taki a ná kowownu a yonkuman ya be kisi mankei neen a faaw. A dede a be dede. Di Pawlesi saka go a Etikesi a baasa en, neen a taki: „A boi weki baka.” Ala den sama di si a sani ya foondoo. Den be sabi taki a yonkuman be dede, neen Pawlesi weki en baka. A sani ya be meke den sama „fii bun”.—Toli 20:7-12.
WAN SANI DI U SA BIIBI
12, 13. San u sa akisi useefi, te u luku den toli di u taki aini a artikel ya?
12 Den toli di u luku fu sama di be dede, neen den weki baka, mu yeepi u fu u biibi taanga enke Maata. U sa biibi taki a Gadu di meke u, poi weki dedesama. A moin fu sabi taki sama enke Eliya, Yesesi anga Peitilisi be luku duun fa Yehofa be du den wonduu ya aini a ten di pasa. Ma fa fu den sama di dede na a ten di den sowtu wonduu ya á be e pasa moo? Den sama di e dini Yehofa sa biibi taki
Gadu o weki dedesama aini a ten di e kon? Den biibi poi taanga enke du fu Maata? Di en baala dede a be taki: „Mi sabi taki a o kon a libi baka te a opobaka o de na a lasiti dei.” Saide a be e biibi taki dedesama o weki baka? Saide iseefi sa biibi a sani ya?13 A omen toli de aini Beibel di e soi taki a foluku fu Gadu be sabi taki dedesama o weki baka aini a ten di e kon. Meke u taki fu wantu fu den toli ya.
14. San a toli fu Abalaham e leli u fu a weki di dedesama o weki baka?
14 Pakisei san Yehofa be akisi Abalaham fu du anga Isaki, a pikin di a be wani meke senten. A taigi en taki: „Gaantangi, teke Isaki, a wan kodo manpikin fi i di i lobi, da yu anga en go na a kondee di den e kai Moriya, a wan fu den mongo di mi o soi i, da i boon en enke wan ofaandi gi mi” (Genesesi 22:2). Fa i denki Abalaham fii di Yehofa sende en fu a du a sani ya? Yehofa be paamisi en taki den bakapikin fi en be o meke ala den nasi fu goontapu fende belesi (Genesesi 13:14-16; 18:18; Romesama 4:17, 18). Yehofa be taigi en tu taki a wan bakapikin fu Isaki be o meke ala den nasi fu goontapu fende belesi (Genesesi 21:12). Ma fa a sani ya be o man pasa efu Abalaham be mu kii Isaki? Gadu meke Pawlesi sikiifi taki Abalaham be e biibi taki Gadu be poi weki Isaki baka. (Leisi Hebrewsama 11:17-19.) Ma Beibel nai soi taki Abalaham be e biibi taki, a baka wantu yuu, wan dei efuso baka wan wiki Yehofa be o weki Isaki baka. Abalaham á be poi sabi on ten a manpikin fi en be o weki baka. Ma a be e biibi taki Yehofa be o weki Isaki baka.
15. San Yopu be e biibi?
15 Yopu seefi be e biibi taki den sama di dede o weki baka aini a ten di e kon. Yopu 14:7-12; 19:25-27). Te wan sama dede, a á poi weki enseefi (2 Samuweli 12:23; Psalm 89:48). Ma a sani ya á wani taki Gadu á poi weki wan sama te a dede. Yopu be e biibi taki Yehofa be o membee en te a dede. (Leisi Yopu 14:13-15.) Yopu á be sabi on ten a sani ya be o pasa. Ma tokuso a be e biibi taki a Gadu di meke libisama, poi weki en baka. A be e biibi tu taki a ná o feegete en.
A be sabi taki te i koti wan bon, a sa goo baka. A bon de sa toon wan nyun bon. Ma a sani ya nai pasa anga libisama (16. Fa wan engel gi Daniyeli taanga-sikin?
16 Wan taa man di be e dini Yehofa anga en hii ati a be Daniyeli. Yehofa be e holi baka gi en. Wan leisi wan engel taigi Daniyeli taki ’Gadu lobi en tuutuu’. A taigi en tu taki ’sani mu go bun anga en’. A gi en taanga-sikin fu a „tei ati”.—Daniyeli 9:22, 23; 10:11, 18, 19.
17, 18. San Yehofa paamisi Daniyeli?
17 Di Daniyeli be koosube fu 100 yali, kande a be e pakisei san be o miti en. Daniyeli be e biibi taki a be o weki baka? A ná abi misi! Na a kaba fu a Beibel buku Daniyeli, Yehofa paamisi en taki: „Ma i mu holidoo te na a kaba. Yu o go boo” (Daniyeli 12:13). Daniyeli be sabi taki te wan sama dede a siibi ai siibi. A be sabi tu taki „nawan pakisei efuso koni de aini a geebi” a peesi pe a be o go (Peleikiman 9:10). Ma Daniyeli á be o tan aini geebi fu teego. Yehofa paamisi en taki a o du wan gaan sani gi en.
18 A engel fu Yehofa taigi Daniyeli taki: „Yu o weki baka, fu fende a pai fi i na a kaba fu den dei.” Daniyeli á be sabi on ten a sani ya o pasa, ma a be sabi taki a be o dede. A be o go boo. Ma di Daniyeli yee taki a be o ’weki baka fu fende en pai’, a be sabi taki a be o weki baka aini a ten di e kon. A sani ya be o pasa baka omen ten. Beibel taki, „na a kaba fu den dei”.
I sa biibi taki dedesama o weki baka leti enke Maata (Luku paragraaf 19, 20)
19, 20. (a) San den toli di u luku e leli u fu a sani di Maata taigi Yesesi? (b) San wi o luku na a taa artikel?
19 Den toli ya e soi taki a ná fu soso Maata be e biibi taki en baala Lasalesi be o weki baka te „a opobaka o de na a lasiti dei”. A sani di Yehofa paamisi Daniyeli anga a biibi di Maata be e biibi taki dedesama o weki baka aini a ten di e kon, mu yeepi u fu biibi taki dedesama o weki baka.
20 U leli omen sani fu den sama di Yehofa be weki baka a fositen. A sani ya e soi taki dedesama poi weki baka. U si tu taki a omen sama di be e dini Yehofa a fositen be e biibi taki Gadu be o weki dedesama baka aini a ten di e kon. Ma buweisi de di e soi taki Gadu man weki sama baka te a paamisi a sani ya omen yali a fesi? Efu wan sani de di e soi taki Gadu poi weki sama baka, winsi a langa ten a paamisi a sani ya, da u sabi biibi taki den sama fu u di dede o weki baka aini a ten di e kon. Ma on ten dedesama o weki baka? Wi o taki fu den sani ya aini a taa artikel.