Mma anga dda—Yeepi u pikin fu abi „koni fu man tan a libi”
„Fanafu i de wan beibi neen yu e leli sani aini den santa buku fu Gadu. A den leli ya o gi i koni fu man tan a libi.”—2 TIMOTIYESI 3:15.
1, 2. Saide son mma anga dda e booko den ede te den pikin fu den wani dopu?
A OMEN dunsu sama di sutudeli Beibel, paamisi Yehofa taki den o libi enke fa a wani, neen den dopu. Gaanse fu den a yonkuuwan di kiya a waaleiti. Den soi taki den wani a moo bun libi (Psalm 1:1-3). Efu yu a wan mma efuso dda di e dini Yehofa, kande yu e angii fu a dei doo fu si fa yu umanpikin efuso i manpikin e dopu.—Luku 3 Yohanisi 4 tu.
2 Ma kande yu e booko yu ede pikinso. Kande i si fa yonkuuwan di dopu bigin dini Yehofa anga tu ati. Kande den e akisi denseefi efu den o fende wini te den libi enke fa Yehofa wani. Son wan komoto a waaleiti seefi. Kande yu e si enke a pikin fi i o bigin dini Yehofa, da bakaten a ná o lobi a waaleiti moo. Kande yu e si enke Openbaring 2:4). Fa i sa yeepi i pikin fu lobi Yehofa? Fa i sa yeepi en fu ’go a fesi, fu a sa fende a libi’? (1 Peitilisi 2:2) Meke u luku san u sa leli fu Timotiyesi.
a o kon enke den Kelesten fu Efeise di be de aini a ten fu den apostel. Yesesi be taigi den Kelesten ya taki: „I ná abi a lobi di i be abi biginbigin moo” (I SABI „DEN SANTA BUKU FU GADU”
3. (a) Fa Timotiyesi toon Kelesten? San a be e du anga den sani di a leli? (b) San a den dii sani di Pawlesi taki yeepi Timotiyesi?
3 A fosi leisi di Pawlesi go a Listra, a be a yali 47. A pisiten ya Timotiyesi be yonkuu. Kande na a ten de a kon sabi den leli fu Yesesi. A be e du san a be leli tu. Tu yali baka dati, a bigin go luku den kemeente makandaa anga Pawlesi. Baka 16 yali, Pawlesi taigi Timotiyesi aini wan biifi taki: „Tan du den sani di i leli anga den sani di yu e biibi fu di sama soi i finifini saide den sani ya a tuu. Bika i sabi sama leli i den sani ya. Fanafu i de wan beibi, neen yu e leli sani aini den santa buku fu Gadu [den Hebrew buku fu Beibel]. A den leli ya o gi i koni fu man tan a libi fu di yu e biibi aini Kelestesi Yesesi” (2 Timotiyesi 3:14, 15). Pawlesi taki Timotiyesi (1) be sabi den santa buku fu Gadu, (2) sama be soi en finifini taki den sani ya a tuu, boiti dati (3) a be kon abi a koni di be o yeepi en fu tan a libi fu di a be e biibi Kelestesi Yesesi.
Pikinnengee seefi sa leli wan sani fu den toli di sikiifi aini Beibel
4. San yu e koboloiki fu leli i pikin? (Luku a fowtow na a bigin.)
4 Enke Kelesten mma anga dda, i wani i pikin sabi den santa buku fu Gadu. Den buku ya a den Hebrew buku fu Beibel anga den Giiki buku fu Beibel. Pikinnengee seefi sa leli wan sani fu den toli di sikiifi aini Beibel. A olikanisâsi fu Yehofa meke buku, bolosilo anga felon fu yeepi mma anga dda fu leli den pikin. Sowtu wan fu den sani ya de aini a tongo fi i? Den pikin fi i mu sabi san sikiifi aini Beibel. A dati o taanga den biibi. A o yeepi den tu fu den anga Yehofa toon mati.
BIIBI DEN SANI DI I LELI
5. Fa u du sabi taki Timotiyesi be e biibi den sani di den be leli en fu Yesesi?
5 Yu á mu leli i pikin den toli di sikiifi aini Beibel namo da a kaba. Timotiyesi be e ’biibi fu di sama be soi en finifini saide den sani ya a tuu’. Timotiyesi be sabi den Hebrew buku fu Beibel ’fanafu a be de beibi’. Bakaten a be e biibi taki Yesesi na a Mesiyas. Timotiyesi biibi be taanga. Neen meke a dopu, neen a bigin du a zendeling wooko anga Pawlesi.
6. Fa i sa yeepi i pikin fu biibi den sani di sikiifi aini Beibel?
1 Tesalonikasama 5:21.) Mma anga dda, a omen sani u sa du fu yeepi u pikin fu den biibi taanga, moomoo te den poti akisi gi i. Meke u luku san u sa leli fu wan dda.
6 Fa i sa yeepi i pikin fi en biibi taanga enke du fu Timotiyesi, fi enseefi sa si taki ’den sani di ai leli a tuu’? I mu abi pasensi. A ná gawgaw wan sama biibi e taanga. A ná fu di yu e biibi wan sani, da i pikin o biibi en tu. Na a pikin seefi mu „ondoosuku ala sani luku efu a tuu”. Na a sani ya o yeepi en fu biibi den san di sikiifi aini Beibel. (Leisi7, 8. (a) Fa wan Kelesten dda soi taki a abi pasensi te a be e leli a umanpikin fi en? (b) On ten a be de fanowdu fu abi pasensi anga i pikin?
7 Thomas abi wan umanpikin di abi 11 yali. A taki a umanpikin fi en e akisi en son leisi taki: „A sa de taki Yehofa be meke mongii fosi, neen a meke den toon libisama? Saide u nai du sani gi a kondee fu u, kande sitemu fu meke sani go moo bun aini a kondee?” Son leisi Thomas abi fu meke moiti fu a á dwengi a pikin fu biibi san ai taigi en. Thomas sabi taki a saafisaafi a abi fu yeepi a pikin fu biibi den sani di ai leli.
8 Thomas be sabi tu taki a be mu abi pasensi te a be e leli a umanpikin fi en. Fu taki en kiin, ala Kelesten mu abi pasensi (Kolosesama 3:12). Thomas be si tu taki a omen ten be o de fanowdu fu yeepi a umanpikin fi en, fi en biibi taanga. A be abi fu koboloiki a Beibel te a be e taki anga en. Thomas taki: „Mi anga mi uman be wani sabi efu a umanpikin fu u be e biibi den sani di a be e leli, moomoo te a be e leli pelensipali sani. U be wani sabi efu a be lobi den sani di a be e leli tu. U be lobi te a be e poti akisi gi u. Mi á mu koli i, efu a be e teke ala sani di u taigi gi en sondee fu poti akisi, mi be o booko mi ede.”
I mu holi a pakisei taki i mu pasensi anga i pikin te yu e yeepi en fu biibi san sikiifi aini Beibel
9. Fa i sa yeepi i pikin fu biibi san sikiifi aini Gadu Wowtu?
9 Efu mma anga dda e leli den pikin anga pasensi, den pikin o fusutan „a baala, a langa, a hei anga a dipi” fu a biibi (Efeisesama 3:18). U mu leli den a wan fasi di u sabi taki den o fusutan. U mu holi den yali a pakisei te wi e leli den. Efu den e biibi den sani di den e leli, a o moo makiliki gi den fu taki anga taawan fu den sani di den e biibi. Den o man taki anga taa sikoo pikin tu (1 Peitilisi 3:15). Pakisei a sani ya. I pikin man soi sama aini a Beibel san e pasa anga wan sama te a dede? Ai biibi san Beibel e taki fu a toli ya? * (Luku a maiki a ondoo.) I mu holi a pakisei taki efi i pasensi anga i pikin te yu e yeepi en fu biibi san sikiifi aini a Beibel, yu o fende wini.—Deitolonomi 6:6, 7.
Efi i biibi taanga den pikin fi i o man waka ai baka
10. San a den moo pelensipali sani di u mu leli u pikin?
10 Efi i biibi taanga den pikin fi i o man waka ai baka. Stephanie, a wan mma di abi dii umanpikin. A taki: „Fanafu di den pikin fu mi be yonkuu, mi be e akisi miseefi taki: ’Mi e taigi den pikin fu mu saide mi e biibi taki Yehofa de tuutuu? Mi e soi den saide mi e biibi taki Yehofa lobi u? Mi e soi den saide mi e biibi taki Yehofa e koti kuutu a wan letifasi? Den pikin fu mi man si kiin taki mi lobi Yehofa?’ Efu mi nai biibi den sani ya mi ná o poi yeepi den pikin fu mi fu biibi den.”
„KONI” O YEEPI I FU TAN A LIBI
11, 12. On ten u sa taki wan sama koni? Fa u du sabi taki a ná a yali di wan sama abi e soi taki a koni?
11 U leli taki Timotiyesi (1) be sabi den santa buku fu Beibel, (2) a be e biibi den sani di a be e leli. Pawlesi taki den santa buku be sa meke Timotiyesi „koni”, dati be o yeepi en fu tan a libi. San a be wani taki anga a sani ya?
12 Pisi 2 fu a inzicht buku, e soi taki Beibel taki ’wan sama di koni sabi fa a mu losi polobelema. A sabi san a mu du fu ogii á miti en tu. Sowan sama sabi fa a mu du san a abi a pakisei. A man gi taawan taanga-sikin fu du aseefi sani. Wan koni sama, á don’. Beibel taki „don de aini a ati fu pikinnengee” (Odo 22:15). Wan sama di e du sani anga koni abi fusutan. Wan sama di koni e lesipeki Yehofa. Ai holi den weiti fi en fu di a lobi den. A ná te wan sama abi yali, da dati wani taki a koni.—Leisi Psalm 111:10.
13. Fa yonkuuwan sa soi taki den abi a koni di o yeepi den fu tan a libi?
13 Yonkuuwan di abi ondoofeni a waaleiti, á de enke „wan boto di paana e tyai go na ala se”. Den nai du san den fii efuso san taa yonkuuwan e du (Efeisesama 4:14). Ma den e „koboloiki den fusutan a wan bun fasi”. Den „sabi san bun anga san á bun” (Hebrewsama 5:14). Den e tyai denseefi bun, winsi den de a wan peesi pe den mma anga dda efuso taa gaansama nai si den (Filipisama 2:12). Den e soi na a fasi ya taki den abi a koni di o yeepi den fu tan a libi. (Leisi Odo 24:14.) Fa i sa yeepi i pikin fu abi a koni ya? I mu yeepi den fu sabi san bun anga san á bun. Den sani di yu e taki anga den sani di yu e du, mu soi taki yu e meke moiti fu libi enke fa Beibel taki.—Romesama 2:21-23.
Saide mma anga dda mu e yeepi den pikin ala yuu? (Luku paragraaf 14-18)
14, 15. (a) San wan yonkuuwan di wani dopu mu teke ten pakisei? b) Fa i yeepi i pikin fu a pakisei den wini di a o fende te a holi den weiti fu Gadu?
14 Te yu e yeepi wan pikin fi en biibi taanga, yu á mu taigi en san bun anga san á bun da a kaba. I mu yeepi en fu sidon denki akisi enke: ’Saide Beibel taki wi á mu du son sani winsi a gei enke den ná ogii? San o yeepi mi fu biibi taki den weiti fu Beibel o tyai wini gi mi?’—Yesaya 48:17, 18.
15 Efi i pikin wani dopu, yeepi en fu sabi taki dopu a wan gaan faantiwowtu. Fa ai denki fu den sani di a mu du te a dopu? Soi en sowtu wini a abi te i dopu. Soi en san a den tesi di o miti en te a dopu. Soi en saide den wini di a o fende te a dopu bigi moo den tesi di o miti en (Malikisi 10:29, 30). A mu pakisei den sani ya bun fosi a dopu. Yeepi i pikin fu a pakisei den wini di a o fende te a tyai enseefi enke fa Yehofa wani anga san o de a bakapisi te a ná aliki Yehofa. A sani ya o yeepi en fu si taki a o fende wini ala yuu, efu a libi enke fa Beibel taki.—Deitolonomi 30:19, 20.
TE YONKUUWAN DI DOPU BIIBI BIGIN SWAKI
16. San mma anga dda sa du te a pikin fu den biibi bigin swaki?
16 San i sa du te i pikin e taki efuso du sani di e soi taki a á lobi a waaleiti moo baka di a dopu? Kande a kon lobi den sani fu a goontapu. Kande a bigin akisi enseefi efu a abi wini tuutuu fu libi enke fa Beibel e taki (Psalm 73:1-3, 12, 13). A fasi fa yu o tyai iseefi te den biibi bigin swaki, sa meke den tan a waaleiti efuso gwe fika Yehofa. Meke moiti fu yu á ligei anga a pikin, winsi a yonkuu efuso bigi kaba. Pe fi i ligei anga en, a moo bun fu soi en taki i lobi en. Meke a si taki i wani yeepi en.
17, 18. Fa mma anga dda sa yeepi a pikin fu den te a bigin dini Yehofa anga tu ati?
17 Wan yonkuuwan di dopu, paamisi Yehofa taki a o lobi en. A paamisi tu taki na a dini di ai dini Yehofa a o poti a fesi aini en libi. (Leisi Malikisi 12:30.) Yehofa e si a sani ya enke wan gaan sani. A so u mu si en tu (Peleikiman 5:4, 5). Membee i pikin a sani ya. Ma fosi i taki anga a pikin, i mu leisi efuso sutudeli den buku di a olikanisâsi seeka gi mma anga dda. Baka dati luku on yuu i sa taki anga a pikin. Taki switi anga en. Soi en taki a paamisi di a paamisi Yehofa taki a o dini en, a wan gaan faantiwowtu, ma a o fende wini te a du san a paamisi en.
18 I sa luku a pisi di den e kai „Vragen van ouders” (Wantu akisi gi mma anga dda) di de aini a buku di den e kai Wat jongemensen vragen—Praktische antwoorden (Sani di yonkuu sama e akisi—Piki di e yeepi den) Pisi 1. A pisi ya e soi mma anga dda taki den á mu si enke na a waaleiti a pikin fu den á lobi. Den mu meke moiti fu sabi san na a polobelema. Kande a den supee fi en e soso en. Kande ai fii enke a ná abi mati. Kande ai si enke taa yonkuuwan e go a fesi a waaleiti moo en. A pisi fu a buku ya e soi tu taki kande a pikin á buuse a biibi fi i. Son leisi a wantu sani e miti en meke ai denki so. A pisi ya e soi fa mma anga dda sa yeepi den pikin di e dini Yehofa anga tu ati.
19. Fa mma anga dda sa yeepi den pikin fu abi a ’koni di o yeepi den fu tan a libi’?
19 A yu enke mma anga dda abi a faantiwowtu fu kiya den pikin fi i „anga den leli fu Yehofa” (Efeisesama 6:4). U leli aini a artikel ya taki i mu leli a pikin fi i san sikiifi aini Beibel. I mu yeepi en tu fu biibi den sani di ai leli. Efu den biibi taanga, den ná o daaidaai fu dini Yehofa. Den o meke moiti fu du ala san den man gi en. A Wowtu fu Yehofa, en santa yeye anga a moiti di yu e meke, sa yeepi i pikin fu ’abi a koni di o yeepi en fu tan a libi’.
^ paragraaf 9 U sa koboloiki den werkbladen fu a buku „San Bijbel e leri wi trutru?” fu yeepi yonkuuwan anga gaansama fu fusutan den leli fu Beibel. Den de a jw.org tu aini omen tongo. Go a jw.org/nl, da i doloki a pisi WAT DE BIJBEL LEERT > BIJBELCURSUS.