San i be o piki, te i luku den Wakititolen fu 2019?

San Gadu be wani taki di a paamisi taki: „Winsi sowtu sani sama meke fu feti anga yu, a ná o abi wini”? (Yes. 54:17)

U sa biibi taki Yehofa o kibii u gi den tesi di de enke „sibi busi” (Yes. 25:4, 5). Den feyanti fu u ná o poi du ogii anga u fu teego.​—w19.01, blz. 6-7.

Fa Gadu soi taki ai du sani a wan letifasi te u luku san a du anga den Kana-ansama anga den Islayelisama di be e taangayesi Yehofa?

Gadu sitaafu den sama di be e libi wan molusu libi anga den sama di be e pina den umansama anga den pikinnengee di á be poi yeepi denseefi. Ma te a foluku be e dini Yehofa anga den hii ati, anga te den be e libi bun anga taawan Yehofa be e belesi den.​—w19.02, blz. 22-23.

San u mu du efu u de a wan peesi neen wan sama di nai dini Yehofa e begi?

U sa taampu efuso sidon pii a wan lesipeki fasi. U ná o taki „amen” efuso holi sama ana te den e begi. U sa begi aini wi ati.​—w19.03, blz. 31.

Fa Gadu e si a tyai di sama e tyai umanfasi a pikin?

A wan gaan ogii a sama du anga a pikin, a kemeente, lanti, anga Gadu. Efu a weiti fu a kondee e soi taki den mu tyai a toli go a sikowtu, da den owluman e wooko anga san a weiti taki.​—w19.05, blz. 9-10.

San o yeepi u fu kengi a fasi fa u de tuutuu?

San i mu du: Begi Yehofa. Teke ten pakisei den sani di yu e leisi aini Beibel, da i luku sowtu manii efuso fasi fu denki i mu kengi. Paa anga sama di lobi Yehofa.​—w19.06, blz. 11.

Fa u sa teke seeka nownow fosi tesi miti u?

U mu meke moiti fu wi anga Yehofa toon bun mati. I mu biibi taki Yehofa lobi i, a ná o gwe fika i noiti. Leisi Beibel ala dei. Begi ala yuu. I mu biibi anga i hii ati taki den sani di Gadu paamisi wi o pasa tuu. Leli den tekisi di i lobi a ede.​—w19.07, blz. 2-4.

Fa u sa yeepi den famii fu u fu kon sabi Yehofa?

Meke moiti fu fusutan fa den e fii, luku bun fa yu e tyai iseefi, yu á mu weli fu yeepi den famii fi i. I mu pasensi anga den famii fi i.​—w19.08, blz. 15-17.

Fa wi e fende kaakiti baka, enke fa Yesesi paamisi wi a Mateyesi 11:28?

Wi abi Kelesten owluman di lobi u, wi abi den moo bun mati, wi e du a moo bun wooko.​—w19.09, blz. 23.

Fa Gadu e gi wi a kaakiti anga a fii fu wooko gi en? (Filip. 2:13)

Te wi e leisi a Wowtu fu Gadu da u teke ten pakisei san u leisi, Gadu o gi u kaakiti. A sa meke u fii fu du san a wani tu. A santa yeye fi en sa gi wi a koni fu du san a wani.​—w19.10, blz. 21.

San i mu du fosi i teke wan bosoloiti?

I mu du feifi sani: Ondoosuku sani finifini. Begi Gadu fu a gi i koni. Pakisei saide i wani du wan sani. Poti maiki gi iseefi. Holi a pakisei taki yu á poi du ala sani.​—w19.11, blz. 27-29.

Di Saatan be taigi Efa taki di a o nyan a sii fu a bon fu sabi bun anga ogii a ná o dede, a soi a be wani soi en taki te wan sama dede wan sani fi en e libi go doo?

A gei a ná dati Saatan be abi a pakisei. Saatan taigi Efa kiin taki a ná o dede. Nawan fu den falisi biibi di be de fosi a Fuudu de moo, bika ala den sama di be e dini falisi gadu be dede aini a Fuudu. A gei enke a fosi Gadu buuya den tongo fu den sama fu a ten fu Babel sama bigin paati a falisi biibi taki te wan sama dede ai libi go doo.​—w19.12, blz. 15.