I be leisi ala den Wakititolen fu a yali ya? We, luku efi i poi piki den akisi ya osi:

Fa u mu libi anga den salufu Kelesten?

U sa waka na a biibi fu den baka, ma toku wi á mu e tyai sama a tapu (Yud. 16). Wi á mu e akisi den fa den du sabi taki den salufu efuso fa den e fii di den salufu.​—w20.01, blz. 29.

Saide i sa biibi taki Yehofa e poti pakisei a yu?

Beibel taki Yehofa be sabi i senten di i be de aini i mma bee. Ai aliki i te yu e begi en. A sabi san yu e pakisei anga fa yu e fii. Den sani di yu e du sa meke a piisii, ma den sa meke a tyali tu (1 Kolon. 28:9; Odo 27:11). A Yehofa seefi hali i kon neen.​—w20.02, blz. 12.

On ten u mu taki, anga on ten u mu de pii?

Wi e piisii te wi e taki fu Yehofa. Efu u si wan sama e du wan sani di o tyai ogii gi en, u mu taki anga en. Son leisi den owluman e poti wi a pasi. Ma efu wi e tan a wan kondee pe lanti tapu a wooko, wi á mu taki sani di sa tyai ogii gi den baala anga sisa fu u. Wi á mu akisi den baala anga sisa ya fa den e du a wooko anda tu. Boiti dati wi á mu e paati sama toli.​—w20.03, blz. 20-21.

Yoweli kapitel 2 anga Openbaring kapitel 9 e taki fu makonkon. San kengi a den tu polofeititoli ya?

Aini Yoweli 2:20-29 Gadu taki a o yaki den makonkon, da a o seeka den sani di den poli baka. Baka dati a o gi sama a santa yeye fi en. Ala den sani ya pasa di Babilon teke Yelusalem abaa. Ma Openbaring 9:1-11 e taki fu den salufu Kelesten aini a ten ya di e paati a bosikopu fu Gadu. Sama á lobi a bosikopu ya.​—w20.04, blz. 3-6.

Sama na a kownu fu noord aini a ten ya?

A kownu fu noord a Rosiyakondee anga den kondee di e holibaka gi en. A kownu fu noord e du omen ogii anga a foluku fu Gadu fu di ai buuse den. A tapu a wooko fu den a omen peesi. A kownu fu noord e feti anga a kownu fu zuid tu.​—w20.05, blz. 13.

A den manii di sikiifi a Galasiyasama 5:22, 23 wawan ‘a yeye e meke sama abi’?

Nono. A santa yeye e meke u kon abi taa moin manii tu. Wan fu den manii ya na a yeepi di ai yeepi u fu du sani a wan letifasi (Efe. 5:8, 9).​—w20.06, blz. 17.

Saide u mu e luku bun san wi e poti a internet?

Son sani di yu e poti a internet sa soi enke a gafa yu e gafa. Sama di abi sakafasi nai gafa.​—w20.07, blz. 6-7.

San Kelesten sa leli fu fisiman di sabi den wooko?

Wan bun fisiman e go suku fisi na a yuu anga a peesi pe a sabi taki a o kisi fisi. A sabi wooko anga den wookosani fi en. Winsi san e pii efuso alen e kai, tokuso ai wooko go doo. A letiso u mu du a peleikiwooko tu.​—w20.09, blz. 5.

Fa u sa yeepi den sutudi fu u fu moo lobi Yehofa?

Gi den taanga-sikin fu leisi Beibel ala dei, anga fu teke ten pakisei san den e leisi. U mu leli den fa den mu begi tu.​—w20.11, blz. 4.

Sama na ‘ala den sama di dede’ di o weki baka?​—1 Kor. 15:22.

Pawlesi á taki ala sama di o weki baka o go a hemel. A den Kelesten di salufu anga santa yeye fu tii makandaa anga Kelestesi a be e taki (1 Kor. 1:2; 15:18).​—w20.12, blz. 5-6.

San den salufu Kelesten o go du a hemel?​—1 Kor. 15:51-53.

Den o yeepi Kelestesi tii den sama di o tan a goontapu anga wan ayee tiki (Openb. 2:26, 27).​—w20.12, blz. 12-13.