Wan dei wan sisa fu New Zeeland be luku wan felon a jw.org. A felon e soi taki a ná booko namo Yehofa e booko-ede anga sama, ma ai yeepi den tu (Yes. 63:7-9). A sisa be wani du san a leli, neen meke a be e luku fa a be sa yeepi taawan. Aseefi dei de a be go bai sani, neen a miti wan uman di naabi peesi fu tan. A sisa akisi en efu a sa bai wan sani gi en. A uman á taki nono. Baka di a sisa tyai a sani di a bai go gi en, a teke a okasi de fu peleiki gi en. A soi en a talakitaati di den e kai Banowtu sa kaba wan dei?

A uman bigin kee di a be e taki anga en. A taigi a sisa taki a waaleiti a kiya. Ma a omen yali a gwe fika a waaleiti. Aa langa seefi di a uman ya be begi Yehofa fu a yeepi en fu a daai kon neen baka. A sisa gi a uman wan Beibel. Neen a seeka sani fu sutudeli Beibel anga en. a

Leti enke Yehofa u sa soi taki we booko wi ede anga taawan. U sa soi tu taki we booko wi ede anga den baala anga sisa aini a kemeente. Boiti dati, we soi taki we booko wi ede anga taawan te we suku okasi fu taki anga den fu Yehofa.