Na a dede di Yesesi dede giw wawan sa meke u fende paadon fu sondu (Efe. 1:7). Toku Beibel e taki: ‘Gadu gi den paadon fu den sondu di den du aini a ten di pasa. A sani ya wani taki Gadu be gi den paadon fu sondu fosi Yesesi be kon dede giw? (Rom. 3:25) Fa Yehofa be man du a sani ya sondee fu pasa den weiti fi en?

Baka di libisama sondu, Yehofa be paamisi taki aw sende wan ‘pikin’ kon fu fii libisama fu sondu anga dede. Fanafu a dei di a paamisi a sani ya, gi en a leti enke a be pasa kaba (Gen. 3:15; 22:18). Gadu be sabi taki a wan kodo Manpikin fi en be o wani kon dede gi libisama (Gal. 4:4; Heb. 10:7-10). Di Yesesi be de a goontapu, Gadu be gi en a makiti fu gi sama paadon fu sondu fosi a be dede gi libisama. A be poi du a sani ya gi den sama di be e biibi taki a dede fi en poi fii den fu sondu anga dede.​—Mat. 9:2-6.